میانگەو یاۋنەری و چاپەمەنی هێزەکێ پارێزنای گەلی(هه‌په‌گه‌-HPG) سەبارەت بە چالاکیێ گەریلاکێ هەپەگەی و ژەنە گەریلاکێ یەکینەکێ ژەنێ ئازادێ (یەژەئا ستار- YJA STAR)ی، ۋەڵاوکریای لەشکریش دان و دلێشەنە ئاماژە دریان بە گورزدای قورسی جە هێزە ئەرەگێرەکێ سپاو تورکیای.

تەمامی ۋەڵاوکریاکەی:

جە هەرێمەکێ خواکورکی جە کوردستانی وارین تا هەرێمەکێ سەرحەد، مووش و ئامەدی جە کوردستانی سەرین، گەریلاکێ هێزەکێ پارێزنای گەلی(هه‌په‌گه‌-HPG) و ژەنە گەریلاکێ یەکینەکێ ژەنێ ئازادێ (یەژەئا ستار- YJA STAR)ی، دژ بە هێزە ئەرەگێرەکێ سپاو تورکیای ئینێ جە مدرامان و قارەمانی مێژووییەنە و سکشتی قورس بە دوژمنی دریان.

جە خواکورک ٤ سەربازێ کوشیێنۍ

جە خوارکورک سپا ئەرەگێرەکەو تورکیای ژڵێۋە (ئۆپەراسیۆن)ی سەربازیش ئەنجام دان و جە ۋەرانۋەرشەنە گەریلا جە بەردەۋامی هەڵمەتەو  شه‌هید باگه‌ری و شه‌هید ڕۆنیای، جە ۱۱و حوزەیرانی سەعات ۱٥:۰۰و نیمەڕۆی، جە دۆڵەو ئەرمووشی جە ۳ قۆڵێۋە جە دوژمنیشان دان و جە ئاکامشەنە ٤ سەربازێ کوشیێنۍ و ۱ سەرباز زامدار بییەن. دمای چالاکییەکە دوژمن بە تۆپێ و هەلیکۆپتەرێ جەنگیێ بۆردومان و تۆپۋارانش کەردەن و کوشتۍ و بریندارەکەش بە کۆپتەر دوورێ ۋستێنێۋە. جە چالاکی و بۆردومانەکە گەریلاکێمان بێزیانێ بینێ و بە سڵامەتی گێڵێنێۋە بارەگاکێ وێشان.

جە ئیدر و بازید ۲۰ سەربازێ کوشیێنۍ

جە هەرێمەکێ سەرحەدی، گەریلا جە بەردەۋامی هەڵمەتەو شۆڕشگێڵی سەرکەوتەی، سەعات ٦:٣٠و ١١و حوزه‌یرانی جە کارۋانێۋی سەربازی سپاو تورکیایشان دان و جە ئاکامشەنە ۱ کامیۆن و ۱ زرێپۆش گورزی فرە قورسشان ۋنە دریان و جە ئاکامشەنە ۲۰ سەربازێ کوشیێنۍ و ۱٥ سەربازێ تەرێ بریندارۍ بیێنۍ.
دمای چالاکییەکەی کە جەلاو ژەنە گەریلاکێ یەکینەکێ ژەنێ ئازادێ (یەژەئا ستار- YJA STAR)ی و هێزەکێ جمیەری شۆڕشگێڵی یۆگێرتەو گەلانی(HBDH) ئەنجام دریان، سپا بەزیاکەو تورکیای بە هاوەنێ و تۆپێ قورسێ و هێزی فرە هێرشش کەردەن و بە چەندین ئامبوڵانسێ کوشتۍ و بریندارەکێش فاڕێنێۋە. 

ڕاو ئامەد-مووش چالاکیێ ئەنجامێ دریێنۍ

جە ٩و حوزه‌یرانی، سەعات ١٩:٢٠ دەیەقێ ۋێرەگای، هێزەکێمان جە پەنگاوو فارقینی سەر بە پارێزگاو ئامەدی هێزەکێ دۆژمنیشان کەردێنێ ئامانج و گورزی قورشان ۋنە دێنۍ بەڵام بە تەمامی ژمارەو کوشتێ و بریندارەکانشان نەزانیان.

جە ١٠و حوزه‌یرانی سەعات ۱۹:۰۰و ئێۋارەگای، جە میانو ناوچه‌و پاسوورو سەر بە ئامه‌دی و شارو مووش-یەنە، گەریلا خاڵەو کۆنترۆڵیش نیێنەرە و سەرەڕاو کۆنترۆڵکەردەی، ڕێبوارێ و هاموڵاتیێشان جە ئاژە و قۆناغەو ئیسەی ئاگادارێ کەردێنێۋە.

هێرشی ئاسمانی

جە ١٢و حوزەیرانی سەعات ۱۹:۰۰و ئێۉارەگای، باڵەپڕە جەنگییەکێ سپا ئەرەگێر و قڕکەرەکەو تورکیای بە قورسی هەرێمەکێ خنێره‌-ی و خواكورك-ی سه‌ر به‌ هه‌رێمه‌كێ پارێزنای مەدیایشان بۆردومانێ کەردێنۍ، بەڵام زیان بە گەریلای نەیاوان.