هێزەکێ ڕزگاری عەفرینی: جە شێراوا ٦ چه‌تێ تورکیای کوشیێ
شێراوا سەر بە عەفرینی هێزه‌كێ ڕزگاریی عه‌فرینی دژ بە چەتە ئەرەگێرەکێ تورکیا چالاکیێشان ئەنجامێ دێنێۋە و جە ئاکامشانە ٦ چەتێ تورکیای کوشێنۍ.
هێزه‌كێ ڕزگاریی عه‌فرینی (HRE) جە ۋەڵاکریێۋی لەشکریەنە ئاشکراش کەرد: "جە شێراوا سەر بە عەفرینی جە بەردەۋامی ڕووبەرڕووبییەی ئەرەگێرتەیی ڕژێمەکەو تورکیای، شەڕڤانەکێمان چالاکیێشان ئەنجامێ دێنێۋە و جە ئاکامشانە گورزی قورسی گیانی و ماددی جە چەتە ئەرەگێرەکێ دوژمنی دریان".
جەی بارەۋە جە ۋەڵاکریاکەنە ئەی زانیاریێ دریێنۍ:
"جە ٢٣ی ته‌مووزی، جە دەگاو فافرتین-ی سه‌ر به ناوچه‌ی شێراوای هێزاکێمان هێرشان کەردەن سەر و بنکێ و بارەگایەکێ چەتەکێ سەر بە فەیلەق ئەلشامی بەکرێگیریای. جە هێرشەکەنە لانی کەم ۳ چەتێ کوشیێنۍ و ۲ چەتێ بریندارۍ بیێنۍ و هاموخت زیانی ماددی فرە جە بنکێ و بارەگایەکێ دوژمنی دریان. هاموەخت ژمارێۋ چەتێ تەرێ هەمان فەیلەقی کە گەرەکشان بێ بە فریاو چەتەکانو فەیلەق ئەلشامی بەیانێ جەلاو شەڕڤانەکانمانەۋە بەقورسی دریانشان ۋنە و جە ئاکامشەنە لانی ۳ چەتێ تەرێ کوشیێنێ کە یۆشان سەرچەتە فەیلەکەکەین بەنامێ (یاسین ئیبڕاهیم مه‌نسوور )ی و ۱ چەتەی تەر بریندار بییەن و ۱ ماشینی سەربازی بە تەمامی دلێنەبریان".
