میانگەو یاونەری و چاپەمەنی هێزەکێ پارێزنای گەلی-هەپەگە، سەبارەت بە چالاکی گەریلای جە پارێزگەو ئیدری سەر بە سەرنیشتو کوردستانی وەڵاکریای لەشکریش دان و دڵێشەنە ئومان: 

"جە ۳ کانوونو دووەمی، جە دەورووبەرو سەربازگەو ئاخوور-ی سەر بە پارێزگەو ئیدری جە بەشو سەرنیشتو کوردستانی، هێزە داگیرکەرەکێ سپاو تورکیای ئۆپەراسیۆنی سەربازی وەرفروانشان دەست پنەکەردەبێ. گەریلاکێ هەپەگەی و ژەنە گەریلاکێ یەکینەکێ ژەنێ ئازادێ یەژەئاستاری ئۆپەراسیۆنکارەکێشان وستێنێ چێرو چەمداری وردی. جە سەعات دووێ سەرسەبای ٤و کانوونو دووەمی، گەریلا هێرشان کەردەن سەرو ئۆپەراسیۆنکارادوژمنی و هاموەخت هێرشان بەردەن سەرو سەربازگەکەی و جە ئاکامەنە لانی کەم ٥ سەربازێ تورکیای کوشینێ".

هەپەگە ئاشکراش کەردەن: "جە هێرشەکانە گەریلایێ بە نامێ (ئۆزکور ڕوونی) جە دمای جەنگی قارەمانەنەی شەهید بییەن و جە ئایندەی نزیکەنە جەی بارەۋە زانیاری زیاتەر وەڵابکەرۆۋە".