دلێگەو یاۋنەری و چاپەمەنی هێزەکێ پارێزنای گەلی (هەپەگە-HPG) جە ۋەڵاکریێۋی لەشکریەنە ئاشکراش کەردەن: "۲۰۱۹/۰٥/۲۰ی، جە دەگاو سارکسوو سەر بە ناوچەو ئەبەخ-و پارێزگاو وانی، گەریلاکێ هەپەگەی و ژەنە گەریلاکێ یەژەئاستاری چالاکیشان دژ بە زرێپۆشێۋی سپاو تورکیای ئەنجام دان و جە ئاکامشەنە زرێپۆشەکە بە تەمامی دلێنەبریان و ۱۰ سەربازێ سەرنشینێ و هامڕێش کوشیێنێ. دمای چالاکییەکەی بە پاڵپەشتی چەندین باڵەپڕێ جەنگیێ، چەندین هەلیکۆپتەرێ جەنگیێ لۋێنێ ناوچەکە و کوشیاکێشان فاڕێنێۋە پەی نەوەشخانە".

"جە لایێ تەرەۋە، جە ۲۰۱۹/۰٥/۲۱ی، سەعات ۱٤:۰۰و دمانیمەڕۆی، گەریلا دژو سەربازگەو سەرێکانی جە ناوچەو بایەزیدی سەر بە پارێزگاو ئاگری چالاکیش ئەنجام دان. جە چالاکییەکەنە لانی کەم ۱ سەرباز کوشیان".

هەپەگە ئاشکراش کەرد: هەمان ڕۆچ جە هەرێم-و خواکورکێی سەر بە کوردستانی وارینی گەریلاکێ هەپەگەی و یەژەئاستاری زنجیرە چالاکیێشان دژو سپا ئەرەگێرەکەو تورکیا ئەنجامێ دێنێ کە پی جۆرە بیێنێ:

"سەعات ١٣:٣٠و نیمەڕۆی، جە بەرزایی لێلیکانی سەر بە سیدەکانی، سەربازەکێ دوژمنی کریێنێ ئامانج و گورزی قورسشان ۋنە دریان. بەڵام ئاماری ڕاست و دروست سەبارەت بە زیانە گیانیێ و ماددیەکێ دوژمنی نەزانیان."

"سەعات ١٦:٣و سەرۋێرەگای، جە هەمان بەرزایی، هێزەکێمان جە دووێ قۆڵێۋە هێرششان بەردەن سەرو هێزەکێ دوژمنی و گورزی قورسشان ۋنە دان. ئانڎە کە بەرکەوتەن و ئاشکرا بییەن  جە ئاکامشەنە ۲ سەربازێ کوشیێنێ، ۲ سەنگەرێ خاپورێ کریێنێ، ۱ ڕادار، ۱ چەکی قورس جە جۆرو A4ی، ۱ بیکەیسی، ۱ چەکی بۆمبشانەر دلێنەبریێنێ".

 "سەعات ۱۷:۰۰و سەرئێوارەگای، جە دۆڵ-و عه‌لی درێژی، گەریلاکێ هەپەگەی و یەژەئاستاری تاقمێ جە سەربازەکێ تورکیاشان ۋستێنێ چێرو چەمداری وردی و دماتەر ۋنەشان دێنێ و جە دەرنجامشەنە ۳ سەربازێ کوشیێنێ و چەندینی تەرێچ بریندارێ بیێنێ. دوژمن کوشتێ و بریندارەکێش به‌ كۆپته‌ری سكۆرسكی جە ناوچەکە دوورێ ۋستێنێۋە".