هەڵمەتەو پەشتیوانی پەی عەفرینی دەسش پنەکەردێنە
بە هاشتاگو #StopAfrinGenocide جە تۆڕە کۆمەڵایەتیەکا هەڵمەتێۋە فراوانە پەی پەشتیوانی عەفرینی دەسش پنەکەردێنە.
شەوێ ۋیەردێ و سەرسەبای ئارۆی، جە
تۆڕە کۆمەڵایەتیەکانە، چوون، فەیسبوک و تویتەر، ژمارێۋ چالاکێ کوردێ و بیانیێ، هەڵمەتەو "جینۆسایدو عەفرینی مدرندێ" بە هاشتاگو #StopAfrinGenocide دەسش پنە کەردێنە، تا ئیسێچ هەزاران کەسێ بەشدارێش بینێ.
ئامانج هەڵمەتەکێ، مدرنای هێرشە پاکتاوکاریەکێ ڕژێمو تورکیایەنێ ، کە ماۋەو ١٢ شەوێ و ڕوان جە زەمین و ئاسمانەۋە مەکەرۆشا سەرو عەفرینی و خەڵکە مەدەنیەکێش، کە پا هۆکارە دەیان شەهیدی و زامدارێ و وێرانبیەی ژمارەێۋی فرە یانێ، وانگێ،، بنکێ تەندروستیێ، مزگیێ و شۆنە گردیەکێش ۋنەکۆتەنەۋە.
