واڵێ جەنگی یەکەم فیلمەن جە فێستیڤاڵو فیلمو سلێمانیێ نیشانە مدریۆن

فیلمو (واڵێ جەنگی) کە باس جە ژەنە شەڕڤانەکێ ڕۆژاڤاو کوردستانی مەکەڕۆنە یەکەم فیلمەن جە چوارەمین فێستیڤاڵو فیلمو سلێمانیێنە نیشانە مدریۆنە و بە گردیی ۱۳٤ فیلمێ جە فێستڤاڵەکەنە بەشدارێنێ.

بڕیارەن جە ۲۰۱۹/۱۰/۰۱، چوارەمین فێستیڤاڵو فیلمو میاندەوڵەتی جە شارو سلێمانیێ ساز بکریۆنە. جە فێستڤاڵەکەنە ئەکتەرێ و بەرئاۋەرێ سینەمایێ نامیێ کوردستانیێ و جیهانیێ بەشدارێ مەبانێ.
ڕێکۋزێ فێستیڤاڵەکەی پەی ڕۆژنیوزیان ۋاتەن: "جە فێستیڤاڵەکەنە کە یەک هەفتە مەخاینۆنە، ١٣٤ فیلمێ جە ٧٩ وڵاتێ جیهانیۋە بەشدارێنێ و سازیەرەکێشان هەوڵ پە بەدەستۋستەی خەڵاتەکانو فێستڤاڵەکەی مەڎانێ. یەکەمین فیلم کە جە فێستاڵەکەنە نیشانە مدریۆنە (واڵێ جەنگی)ـەن کە باس جە ژەنە شەڕڤانەکێ ڕۆژاڤاو کوردستانی مەکەڕۆنە و جە بەرئاۋدەی  کارۆلین فۆڕێست ڕۆچنامەڤانە و بەرئاۋەرێ فەڕەنسیێن".

ڕێکۋزێ فێستیڤاڵەکەی ئاشکراشان کەردەن: "ڕۆو ۷و ئۆکتۆبەری فیملە سەرکەوتەکێ فێستڤاڵەکەی ئاشکراێ مەکریانێ و خەڵاتێشان پنەبەخشیانە".