له‌یلا گۋڤه‌ن په‌رله‌مانتارەو هەدەپەی و هامسەرۆکەو کەجەدەی ٦۱ ڕووێ جەی وەڵتەر دژ بە گۆشەگیرکەردەی و چارەنۋیس-نادیاری ڕێبەر ئۆجالانی دەستش بە مانگێرتەی جە واردەی بە شێۋازی بێوادە کەرد و جە ئیسەنە تەندروستیش تێکشییەن و مەتەرسی گیان جەدەستدایش هەن. دما بەدمای مانگێرتەکەو لەیلا گۋڤەنێ، پەیتا پەیتا زیندانیێ سیاسیێ جە زیندانەکانو تورکیا و باکورو کوردستانیەنە هەم پەی پەشتیوانیکەردەی جە لەیلا گۋڤەنێ و هەم پەی کۆتایی ئاۋردەی بە گۆشەگیری ئیمرالی پەیۋەستێ مانگێرتەی جەواردەی بیێ.

جەی بارەۋە ئاژانسو هەۋاڵو مێزۆپۆتامیای ئاشکراش کەردەن: جە ئیسەنە ۱٥٦ زیندانیێ سیاسیێ سەر بە پەکەکەی و لایەنێ ئازادیۋازێ بەشدارێ مانگێرتەکەیەنێ و مانگێرتەکەیچشان بە شێوازی بێوادە و نۆبەتێ ئەنجام مڎانە و سورێنێ تا بەدی ئامای ئامانجەکەیشان درێژەش پنە بڎانە.