جە تورکیا تونڎوتیژی دژ بە ژەنێ جە سەردەمو دەسەڵاتداری ئەردۆغان-یەنە چەنڎین قاتێ زیاتەر بییەن و یاساکێ تورکیای جۆرێو هەموارێ کریێنێ تونڎوتیژکارەکان مەپارێزانە و هانشان مڎانە تا زیاتەر ژەنی بکۆشانێ و تونڎوتیژیشان وەرانوەر بکەرانێ. ئانەیچە پاسەشە کەردەن تا ساڵەو ۲۰۱۹ی ساڵێوە ببۆنە بە سیاوە پەی ژەنان.
جەی بارەوە پلاتفۆرو 'ئێمە کوشتە ژنێ مدرنمێ' ئاشکراش کەرد: "ساڵەو ٢٠١٩یەنە جە تورکیا تونڎوتیژی دژ بەژەنێ پەرەش ئەستانان و بەهۆشەوە لانی کەم ٤٧٤ ژنی کوشیێنێ و دەیان هەزارێ تەرێ ڕووبەڕووێ تونڎوتیژی بیێنێوە".
پلاتفۆرمەکە دەستنیشانش کەردەن: "دەوڵەت و حکومەت وەرانوەر بە تونڎوتیژیەکەی و سیاوکوژکەردەی ژەنان غەمسەردێ و کەمتەرغەمێنێ و هامپەیمانی ئەستەنبۆڵی و یاساو ژمارە (٦٢٨٤)ی کەردەیی نمەکەرانێ کە ڕاگیرێنێ جە تونڎوتیژی دژ بە ژنێ و زارۆڵان".

پلاتفۆرو 'ئێمە کوشتە ژنێ مدرنمێ' باسش جە ئانەیە کەردەن کە "جە ۲۰۱۹نە تەرمێ دەیان ژەنان جە قەراخەکانو ڕاکانە، ڕوارەکان و دەریاکانە ئێزیێنێوە.،هاموەخت چەنڎین ژەنێ کە بڕیارو پارێزنایشان دریابێ کوشیێنێ. چەنڎین ژەنی تەرێ کە داواکاری هامسەرگیریشان ڕەت کەردەنەوە دڕندانە کۆتایی بە ژیوایشان ئاوریان. جە گردی تەرسناکتەر کوشتەی ئا ژەنا بییەن کە پەناشان بەردێنە شەڵتەرەکان و جەی چوارچێوەنە چەنڎین حاڵەتێ کوشەی تۆمارێ کریێنێ".