هیزی هەینی، جە پارک-و ئازادی شارو سلێمانیێ، جەماۋەر و چالاکێ مەدەنیێ وسیاسیێ و چنڎین ڕۆژنامەۋانێ میدیاکارێ بەنیازێ بێنێ یادێ جە ٣ ژەنە شۆڕشگێڵی کودری (سارا، رۆژبین، رۆناهی) بکەراوە کە ۷ ساڵێ جەی ۋەڵتەر جە پاریس شەهیدێ کریێ. بەڵام هێزەکێ ئاساییشی سەر بە یەکێتی نیشتمانی کوردستانی هێرشش کەردێ سەر و ٥۲ کەسێش دەستگیرێ کەردێ کە ژمارێۋ ژەنی وزارۆڵێ دلێشانەبێنێ. هاموەخت سەڵاح خدر و کەلسوم حوسێن میدیاکارێ ئاریەن تیڤی ئینێ دلی دەستگیرکریاکانە. دەستگیرکەردەکەی جە جادەی گردیی و توڕە کۆمەڵایەتیەکانە دەنگۋەدای و ناڕەزایەتی فرەش دمارە ئاما و سەرکۆنە کریا.

ئارۆچ ئاشکرا بی، کە دەستگیرکریێکێ فرێۋشان جە زیندانو (کانی گۆمەی) بەندێ کریێنێ و ٤۷ کەسێشان دژو دەستگیرکەردەکەیشان جە زیندانەنەکە دەستشان دان مانگێرتەی جە واردەی.

دمانیمەڕۆی ئارۆی ئاشکرا بی، کە تارا حسێن ۋاچەرەو فەرمی تەڤگەری ئازادی و کەلوم حسێن میدیاکارە و زارۆڵێۋ بەنامێ فەرهادی و ٦ ژەنی تەرێ ئازادێ کریێنێ.