سەرسەبای ئارۆ ٤ شەممەی، جە پارێزەرێ بیرۆو حقوقی سەدەی، ڕێزان ساریجه‌ و نه‌ورۆز ئوویسال پارێزه‌رێ ڕێبه‌رو گەلو کوردی عه‌بدوڵا ئۆجالان جە شارو بورسای بە کەشتی شیێ زیندانو ئیمرلی. پارێزەرەکێ ئۆجالانی دمای ئانەیە دیدارشان چەنی ڕێبەر ئۆجالانی ئەنجام دان و دمانیمەڕۆی ئارۆی جە ئیمرالیەۋە گێلێنێۋە ئەستەنبۆڵ. تا ئیسە دیار نییەن دیدارەکە چەند سەعاتێش خاینان و پارێزەرێ و ئۆجالان باسشان جە چێشی کەردەن. جە ئیسەنە ڕای گردی کوردستانی و تورکیای جیهانی چەمەڕێنێ تا ڕێزان ساریجه‌ و نه‌ورۆز ئوویسال سەبارەت بەدیدارەکەو ئیمرالی و پەیام و ڕێنمایی ڕێبەر ئۆجالانی زانیاری بڎانە.

دمایین جار و جە دمایی ۸ ساڵێ جە قەدەغەکەردەی دیدارەکانشان، جە ۲۰۱۹/۰٥/۰۲ هەر دووێ پارێزه‌رێ ڕێزان ساریجه‌ و نه‌ورۆز ئوویسال سەردای ئیمرالیشان کەردەبێ و چەمشان بە ڕێبەر ئۆجالانی کەفتەبێ. ئۆجالان زیاتەر جە ۸ ساڵێن فرە بە سەختی گۆشەگیری کریان و دژ بە گۆشەگیریەکەی زیاتر جە ٦ مانگێن بە پێشەنگی لەیلا گۋڤەن پارلەمانتارەو و هەدەپەی و هامسەرۆکەو گلێرگەی دیموکراتیکی (کەجەدە-KCD)، زیاتەر جە ۷ هەزار کەسێ جە کوردستان، زیندانەکێ تورکیا، ئەورووپا و کەنەدا ئینێ جە مانگێرتەی جە واردەی بەشێوازی بێوادە و ڕۆچی مەردەیەنە. تا ئیسە پەی کۆتایی ئاۋردەی بە گۆشەگیریەکەی ۸ کەسێ بە چالاکیێ گیانبازیێ شەهیدێ بیێنێ. هامتەریب چەنی مانگێرتەی و ڕۆچێ مەردەی، هەزاران کەسێ جە کوردستان و چەندین وڵاتێ جیهانیەنە بە پێشەنگی (ئەڎێ ئاشتی) دژ بە گۆشەگیریەکەی ئینێ چالاکییەنە. بە مانگێرتەی و ڕۆچێ مەردەی و چالاکییەکێ دژ بە گۆشەگیری ئیمرالی ڕژێمو تورکیای زۆرش پەی ئومان و چێرو فشاریشانە ڕاش بە ئەنجامدای دیدار و چەمپنەکەوتەکان جە ئیمرالی دان.