ڕاۋەبەری پلاتفۆرمو هۆرام-ی، جە ٤١ مین ساڵیادو ئەرەمەرزنای پارتو کارگەرانو کوردستانی-پەکەکە پەیامی پیرۆزباییش دان.
جە پەیامەکە ئامان: "یاگێ وێشەنە وەڵێ گردچێۋی پیرۆزبایی ٤١ هەمین ساڵیادو ئەرەمەرزنای پەکەکەی جە ڕابەر ئاپۆی، گەریلێ کوردستانی و خانەوادەو شەهیدانی بکەرمێنەو بۋچمێنە؛ پەکەکە ئا ئاخێزەنە کە بە  قوول بییەی جە ۋیەردەی هەزاران ساڵی مێزۆپۆتامیای، ڕاستینەو شارستانییەتو  گەلو کوردی و گەلە چێردەسەکانش بەرۋست .هەر چەنی بە کۆشیای ڕابەر ئاپۆی پەکەکە خۆڵقیا، بە (پەکەکە)یچ، کورد جە چێردەستەیی هەزاران ساڵەی کە هیچ باوەرێش بە وێش نەمەنەبێ ڕزگار کریا و زینڎە کریاۋە، بە جۆرێ کە مەتاومێ بۋاچمێ جە دمای ئەرەمەرزیای  پەکەکەی کورد ماناو ژیۋای ئازادیش پێ بەرکەوت و سەرجەنو وێش ئەشناساۋە و ڕێکۋستەۋە. پەکەکە بە بەرۋستەو ڕاستیەکان بە چراوێ پێ گەلەکەیمان و هەر پاسە گەلە چێر دەستەکانو وەرهۆرزی میانیو جیهانی، کە ساڵانێ بێ ڕاو ڕاستی وێشان ۋڵاونێ بێ و جە چەرخەو گەردونی جیا مەنێبێنی".

ڕاۋەبەری پلاتفۆرمو هۆرام-ی، دەستنیشان کەردەن: "پەکەکە ئا لێرە پەڕ جە هازەنە کە تاواش ژەنەو کوردی جە کوردستان و جیهانەنە بیاونۆنە بە ئازادی و شکۆداریش پنە بەخشۆۋە. پەکەکە ئا رۆحەنە کا جارێ تەر ئینسانی کوردش چەنی ژیوگەی ئاشنا کەردەۋە. پەکەکە ئا مانیفستۆنە کە بی بە مەدرەسەو واناو  ئازادی و یەکسانیی. پەکەکە جە سایەو کۆشیای ڕابەر ئاپۆی و گەریلاکانو ئازادی کوردی و مرۆڤایەتی، جارێتەر جە هەر چوار بەشێ کوردستانی کورد بە خاوەن و رێکۋستە و ئیرادە وێش. پلاتفۆرمو هۆرام-ی یۆن جە ئا  رێکوزیاکان کە جە ئەنجامو ۋیر و باۋەڕی پەکەکەی جە وەرهۆرزو کوردستانی و بەروو وڵاتی مەرزیارە". 

ڕاۋەبەری پلاتفۆرمو هۆرام-ی جە دمایی پەیامەکەیشەنە جەختش کەردەنەۋە: "یاگێ وێشەنە کە پێ سەرۋستەی ئامانجەکانو پەکەکەی کە یاوای گەلەکەیمانو مرۆڤایەتییەن بە ژیۋای ئازاد و یەکسانیی مشیۆم پەشتیۋانێش بێمێنە و خاوەنداری جە کۆشیاشەکەیش و ئاخێزەکەیش بکەرمێنە و پەیمان چەنی ئامانجە ئینسانیەکانو ڕابەر ئۆچالانی و پەکەکەی تازە بکەرمێۋە و پافشاری بکەرمێنە تا یاوای بە ئازادی یەکجاری جگە جە مدرامانی و کۆشای هیچ ڕێۋە تەرە جە ۋەراۋە بە ستەمکار و داگیرکەری نەگێرمێنە ۋەر و هۆرنەۋچنمێنە".