ۋاچەری فەرمی جە ۋەزارەتو ۋەرگیری ئەمەریکای (پنتاگۆن) ئاشکراش کەرد: فەرمانو ئەۋەکێشیای هێزەکێ ئەمەریکای جە سوریای بە فەرمی واژۆ کریان. بەڵام پنتاگۆن سەبارەت شێوازو ئەۋەکێشیاکەی زیانیاری و وردەکاریش نەڎان.

جە ۱۹/۱۲/۲۰۱۸ی، دۆناڵد ترامپ سەرۆک کۆمارو وڵاتە یۆگێرتەکانو ئەمەریکای جە بڕیارێ کتوپڕەنە فەرمانش دابێ، کە سەرجەم هێزکێ وڵاتەکەیش جە ڕۆئاڤاو کوردستانی و سوریا بکێشیاۋە. بڕیار و فەرمانەکە کارۋەدایێ و ناڕەزایەتیێ فرێ تنڎێش جە ئاستی ئەمەریکی و جیهانی و کوردستانییەنە دمارە ئامێ-بێنێ و بە بڕیار و فەرمانێ هەڵە بەنامێ کریابێ.

ترامپ ۋاتەبێش: بڕیارەکەش بە هەماهەنگی چەنی ئەردۆغانی دان و بە پڕۆسێسێ "سەرو-ۋێ" هێزەکێ وڵاتەکەیش جە سوریا مەکێشیاۋە و ڕۆڵ بە تورکیای پەی دلێنەبەردەی داعشی دریان.
ترامپ ئاشکراش کەردەبێ؛ گۋایا ئەردۆغان گرەنتی بەهێزش دان پنە، تا ئەۋامەنێ داعشی جە سوریانە دلێنەبەرۆنە!
بەڵام ترامپ نەۋاتەنش، چەنی و بە جەکۆ و بەچ شێۋازێ ئەردۆغان داعشی دلێنەبەرۆنە، کە چەتەکێ داعشی سەدان کیلۆمەترێ جە سنورو تورکیای دوورێنێ!

ئی قسێ و باسێ جە وەختێنە مەکریانە، کە سەدان بەڵگێ و (دزانپۆرەنیێ) داعشی و ڕاپۆرتێ میدیا ئەمەریکی و جهانییەکان هەنێ و سەلمیان، کە ئەردۆغان و تورکیا پەشتیۋانیکەرێ سەرەکی داعش-یەنێ و ئانێچە چنڎین جارێ هەر جەلاو گەورە ۋەرپەرسە ئەمەریکییەکانەۋە باسش کریان!