پوتین: جە ئیدلبەۋە چەتێ بریانە لیبیا
ڤلادیمیر پوتین ئاشکراش کەرد: "جە ئیدلبەۋە (ئیدلب ئینا چێرو دەسەڵاتداری تورکیایەنە) چەتێ بریانە لیبیا و پا هۆکارە ئا وڵاتە بارودۆخش تێکشیەن و خراپتەر بییەن".
ڤلادیمیر پوتین سەرۆک کۆمارو رووسیای دمابەدمای دیدار و چەمپنەکەوتەیەش چەنی جوزیپە کۆنت سەرۆک وەزیرانو ئیتالیای کۆنفڕانسی ڕۆچنامەۋانی هامبەشان ئەنجام دا. جە کۆنفەڕانسەکەنە ڤلادیمیر پوتین سەبارەت بە تێکشیەی بارودۆخی جە لیبیا قسێش کەردێنێ و ۋاتەنش: "جە ئیدلبەۋە (ئیدلب ئینا چێرو دەسەڵاتداری تورکیای و تاقمە چەتە بەکرێگێریاکانشەنە) چەتێ بریانە لیبیا و پۆکەی ئا وڵاتە بارودۆخش خراپتەر بییەن و تێکشییەن".
پۆتین جەی بارەۋە نیگەرانی وێش نیشانەدا و داۋاش جە لایەنە ناکۆکە لیبیەکان کەرد؛ تا دەست بە پڕۆسێسی سیاسیی بکەرانە و بە گفتوگۆ چارەسەری پەی کێشێ و ناکۆکییەکان بێزانێۋە. بەڵام پوتین ئاماژەش نەڎان کە جە کامە وڵاتەۋە چەتەکێ بریانە لیبیا. چونکە ئیدلب کە سەر بە سوریایەن، ئیسە ئینا چێرو دەسەڵاتداری ڕژێمو تورکیای و تاقمە چەتە بەکرێگێریاکانشەنە و تاکە ڕا پەی ڕەۋانەکەردەو چەتەکان تەنیا تورکیان.
یاگێ باس کەردەیەن کە رژێمو سوریای بە پەشتیۋانى رووسیای ئۆپەراسیۆنش پەی کۆنترۆڵکەردەى ئیدلب-ی و پاککەردەیش جە تاقمە چەتەکێ سەر بە تورکیای دەست پنەکەردەن و ئانەیچە تورکیاش نیگەران کەردەن و پەی قوتارکەردەیشان پەیتا پەیتا تاقمە چەتەکان مەکیانۆنە لیبیا.
