ڕەشۆ: مشیۆم نەتەوە یۆگێرتەکێ و ئێراق پەنابەرێ مەخموری پارێزنانە.

غەزال ڕەشۆ، هامسەرۆکەو ئەنجومەنو ڕاۋەبەری شەنگالی: "پنەۋازەن نەتەوە یۆگێرتەکێ و حکومەتو ئێراقی پەنابەرەکێ وارگەو شەهید ڕۆستەم جودی مەخموری پارێزنانە".

غەزال ڕەشۆ، هامسەرۆکەو ئەنجومەنو ڕاۋەبەری شەنگالی دژ بە بۆردومانەکەردەی وارگەو شەهید ڕۆستەم جودی مەخموری  جەلاو ڕژێمە ئەرەگێرەکەو تورکیایەۋە بە تونڎی ناڕەزایەتش نیشانەدا و هاموەخت بێدەگی و بێهەڵۋێستی نەتەوە یۆگێرتەکێ و حکومەتو ئێراقیش سەرکۆنە کەرد و ۋاتەنش: "پنەۋازەن نەتەوە یۆگێرتەکێ و حکومەتو ئێراقی پەنابەرەکێ وارگەو شەهید ڕۆستەم جودی مەخموری پارێزنانە چونکە یاسا و پیمانەکێ میاندەوڵەتی و ئێراقی ئانەیە سەپنانە".

غەزال ڕەشۆ کە پەی ڕۆژنیوزی قسێش کەردێن ۋاتەنیچش: "ئەگەر ئارۆ هەڵۋێست نەبۆنە ڕژێمو تورکیا هەر بە بۆردومان بەسەندە نمەکەرۆنە و بەڵکو وارگەکەی مەگێرۆرۆرە. ئەگەر مەخمور گێریۆرە ئاوەختە زەمینە پەی ئەرەگێرتەی شەنگالی فەراهەم مەکریۆنە و جارێتەر مەخمووریێ و شەنگالیەکێ کۆچبەرێ ببانێۋە و ئەگەر هەن قڕێ بکریانێۋە".

غەزال ڕەشۆ هامسەرۆکەو ئەنجومەنو ڕاۋەبەری شەنگالی جە دمایی قسەکانشەنە جەختش کەردەنەۋە: "نە مەخموورەیەکێ و نە شەنگالیەکێ بە هێرش و بۆردومانکەردەی نمەتەرسانە و هەرگیزی دەستبەردارێ خاک و ئاۋیشان نمەبانێ و ملکەچێ هیچ دوژمنێۋی ئەرەگێری نمەبانێ و تا دمایی مدرامان پەی ئازادی و ڕزگاری مەکەرانێ".