ڕاۋەبەری پەخشی جە (ژن تیڤی-ژەن تیڤی- JIN TV) سەبارەت بە فاڕیای فڕێکانسو تەلەفزوێنەکەیشان جە نایلسات و کوالیتی پەخشی ۋەڵاکریاش دان و ئاشکراش کەردەن: "ژن تیڤى کە تەلەفزوێنێۋی ژەنانەن و جە (هۆتبێرد و نایل سات) پەخشی ۲٤ سەعاتەش هەن، فڕێکانسەکەش جە (نایل سات) مەفاڕیۆنە و جەی دماۋە بە کوالێتی HD پەخش مەکەرۆنە".

ژن تیڤی فڕێکانسە نۊکە جە (نایل سات) پی جۆرەنە: 

Satellite: Nilesat 7° West

Frequency: 11.636 MHz

Symbol Rate: 27.500

Polarization: vertical

FEC Rate: 5/6

Modulation: DVB-S2

ژن تیڤی جە ٨و ئادار (مارس)و ۲۰۱۸ی، جە ڕۆو جیهانیى ژنێ-نە بە دروشمو ژن تیڤی"دەنگ و ڕەنگو ژەنێ"ن پەخشی ئازموونیش دەس پنە کەردەبێ، دمای ۳ مانگان کۆتاییش بە پەخشە ئازموونیەکەیش ئاۋردەبێ و بە فەرمی دەربازو پەخشی ئاسایی بییەبێ. تەلەفزوێنەکە سەر بە ئەنجومەنو ژەنانو نەوا-یەن و جە ۹و مانگەو چلێ هامکات چەنی یەرەمین ساڵیادو تەرۆرکەردەی هەر یەرە ژنە سیاسەتمەدارەکێ کوردی (ساکینە جانسز، فیدان دۆغان، لەیلا شایلەمەز)ی، جە کۆبییەی ئەنجومەنەکەی جە پاریس/فەڕەنسا بڕیارو ئەرەمەرزنایش دریا و هەمان ڕۆچ کاروبارەکێش دەستشان پنەکەردەبێ.

جیا جە مانگیلێ (نایل سات)ی، ژەن تیڤی جە سەرو مانگیلێ (هۆتبێرد)ی بە پی جۆرە پەخشش هەن:

فڕێکانس/ ١١٠٥٥
سیبمول رایت/ ٢٧٥٠٠٠
پەخش مەکەرۆنە. هاموەخت جە سەرو یوتوبی پەخشی زینڎەی بەردەۋامش هەن.

یاگۍ باسیەن، جە ژن تیڤییەنە سەرجەم ئامادەکارێ، ڕاۋەبەرێ، کارمەندێ، هەۋاڵسازێ، پێشکەشکارێ و مۆنترەکێش ژەن-یەنێ و سەرجەم بەرنامەکێش تایبەتێ کریێنێ بە بابەتەکێ ژەنانو کوردی و جیهانی و بە چەندین زاۋانێ و زاراۋێ دڵێشانە هەورامی هەواڵێ و بەرنامێش هەنێ.