۲ شەممە ۱۰/۱۲/۲۰۱۸ی، جە کوالالامپور پایتەختو مالیزیای، کیانا عەبدوڵاهی فەڕ خەڵکو پاۋە شاری سەر بە هەرێمو هەورامانی، جە پاڵەۋانی جیهانی بەکاربەردەی مەژگی و ۋیرکاری-یەنە سەرکەوتەی گەورەش تۆمار کەرد.
کیانا بە زیرەکی و ئاست بەرزی هۆش و ۋیریش، تاۋاش پلەی یەکەم جە ئاستی جیهانییەنە جامی جیهانی و مەدالیای زێڕین(تەڵا) مسۆگەر بکەرۆنە و هوٙربگیٛرۆنە.

کیانای تەمەن ۱٥ ساڵانە جە پاڵەۋانییەکەنە بە جلوبەرگی هەورامانی بەشداریش کەردەبێ و ئانێچە بیەبێ یاگێ سەرنجێ پەی بەشداربیەکان.