کەبودوەند: بییەی بنکێ سەربازیێ تورکیا جە هەرێم مایەو شەرمەزارین
محەمەد سدیق کەبودوەند: "بییەی بنکێ سەربازیێ تورکیا جە هەرێمو کوردستانی هەم یاگێ داخێن هەم مایەو شەرمەزارین".
جە ئاستی کوردستانییەنە، دژ بە بییەی هێزە داگیرەکەکانو تورکیای جە پانیشتو کوردستانی ناڕەزایەتیەکێ پەرەشان سەندەن و فراۋانتەرێ مەبانە.
جەی چوارچێۋەنە محەمەد سدیق کەبودوەند چالاکی مەدەنی و مرۆیی و سەرۆکو ڕێکۋستەو "مافی مرۆڤی کوردستان"ی، سەبارەت بە بییەی بنکە سەربازی و هەواڵگریەکێ تورکیای جە هەرێمو کوردستانی و شەهیدکەردەی و بریندارکەردەی هاموڵاتیێ کوردێ جەلاو سوپاو تورکیای ، جە «تویتەر»ەنە بە تویتێ ناڕەزایەتیش نیشانەدا.
کەبودوەند نۋیستەنش: "بییەی دەیان بنکێ سەربازیێ و سیخوڕیێ ڕژێمە سەرکوتکەرەکەو تورکیا جە هەرێمو کوردستانی هەم یاگێ داخێن هەم مایەو شەرمەزارین. دیارەن مشیۆم گەلو کوردی و گەلێ وەرهۆرزی میانی بە پەشتبەستەی بە هێزێ مەدەنی و ناڕەزایەتیی جەماۋەریانە ڕاگیری جە داگیرکەری وێ بەزلزانی بکەرانە و ڕزگاری وێشان خوڵقنانە".
محەمەد سدیق کەبودوەند چالاکی مەدەنی و مرۆیی و سەرۆکو ڕێکۋستەو "مافی مرۆڤی کوردستان"ی، جە پاو داکۆکیی-کەردەییش جە مافەکانو مرۆڤی و گەلو کوردی، ۱۰ ساڵێ جە تەمەنیش زیندانو کۆماری ئیسلامی ئێران-یەنە بەسەربەردەن و دەرەنجام جە ۲۰۱۷/۰٥/۱۲یەنە، جە دمای ناڕەزایەی فرەی کوردستانی و جیهانی و تێکشیەی باری تەندروستیش ئازاد کریا.
