هامسەرۆکایەتی ”کۆنگرا جڤاکا دیموکراتی ئەوروپا“، کە بە(KCDK-E-کەجەدەکە-ئە) ئەژناسیان، سەبارەت بە لەیلا گیوڤەن هامسەرۆکەو کۆنگرا جڤاکا دیموکراتی (کەجەدە-KCD)ی، کە ۷۲ ڕۋێن دژ بە گۆشەگیرکەردەی ڕێبە عەبدوڵا ئۆجالانی و ستەم و زۆرداری دەسەڵاتداری تورکیای جە زیندان-و ئامەدی مانش جە واردەی گێرتەن، ۋەڵاکریایێش پەی ڕای گردی دان.

جە ۋەڵاکریاکەنە کە یۆکسەل کۆچ بەنامێ (کەجەدە-ئە)ی دانش، باس جە هێرشە گردگیر و هەمەلایەکانو ئاکەپە و مەهەپەی دژ بە کوردی و ئازادیۋازان کریان و کۆمەڵکوشیەکێ سەرنیشتو کوردستانی بەتایبەتی جزیرە، سور و نسێبین ۋیر ۋزیێنێ و ئاماژە بە خراپی بارودۆخەکەی جە ئیسەنە دریان و سەرنج ۋزیان سەرو گۆشەگیرکەردەی ڕێبەر عەبدوڵا ئۆجالانی.

 (کەجەدە-ئە) ئاشکراش کەردەن: لەیلا گیوڤەنە هامسەرۆکەو کۆنگرا جڤاکا دیموکراتی (کەجەدە-KCD)ی، دژ بە ئا بارودۆخەیە زیاتەر جە ۷۲ شەۋێ و ڕۋێن مانگێرتەی جە واردەیش دەست پنەکەردەن و مانگێرتەکەی هەولێر تا سەرنیشت و تورکیا و ستراسبۆرگ و ئەوروپاش تەنیەنەۋە. مەخابن جە ئیسەنە ئیتر تەندروستی لەیلا گۋڤەنێ فرە خراپەن و ژیایش ئینا مەتەرسی جددییەنە و مشیۆم فرە بە خێرایی خاوەنداریش ۋنە بکریۆنە. هەر ئیسە مشیۆم کەس جە یانەنە نەنیشۆرە و بەڵکو ڕوو جە مێڎانی بکەرانە و هەم خاوەنداری جە لەیلا گۋڤەنێ و هەڤاڵە مانگێرەکانش بکرانە، هەم سیاسەتە دژە کوردەکەو ئاکەپە و ئەردۆغانی شەرمەزار بکەرانە. 

کەجەدە-ئە) بانگەۋازی جە کوردێ ئەورووپای و دۆستێ کوردی جە گرد لایێ ئەورووپا و جیهانی مەکەرۆنە، تا بە ڕۆحیەتو خاوەنداریکەردەی جە کۆبانی مجیارە مێڎان و ببانە بەدەنگ و داۋاکاری لەیلا گۋڤەنێ و ڕای گردی ئەورووپی و جیهانی ناچار بکەرانە هەوڵ پەی ڕزگارکەردەی ژیۋای لەیلا گۋڤەنێ و بەدی ئاۋردەی داۋاکاریەکەیش بڎانە.