هامسەرۆکایەتی کۆنسەو ڕاوەبەری کۆما جڤاکێن کوردستانی - کەجەکە سەبارەت بە بومەلەرزەکەو شارو خارپێت-و سەر بە سەرنیشت (باکور)و کوردستانی جە ئەرەیاونیێوەنە سەرەتا سەرەوەیش جە خانەوادێ و کەسوکارەکێ گیان جەدەستدایەکانش کەردەن و وازیارەن بریندارەکێ هەرچی زووەن تەندروستیشان بەدەست باوەرانێوە.
کەجەکە جەختیچش کەردەنەوە: "باگەلەکەمان هیوا و چەمەڕاییش جە دەوڵەتی نەبۆنە و بە  وێش هامکاری بومەلەرزەونەدریاکانو خارپێت-ی بکەرۆنە".

تەمامی ئەرەیاونایەکەو هامسەرۆکایەتی کۆنسەو ڕاوەبەری کەجەکە-ی:

ئاساییش و تەنسروستی خەڵکی غەمو دەوڵەتی

پنەوازەن چوون ویەردە گەلەکەمان چەنی جە کارەساتە سورشتیەکانە هامکاریش پێشکەش کەردەن، بەهەمان شێوە هامکاری پێشکەش بە بومەلەرزەوندریێکێ خارپێت-ی بکەرۆنە. چونکە ئاشکران کە فرە جارێ ئاساییش و
خەڵکی غەمو دەوڵەتی نەبییەن و نییەن و ئانەیچە جە بومەلەرزەکەو ۱۹۹۹ مەڕمەڕە- یەنە کە هەزاران کەسێ بیێ قوربانیێ سەلەمیان و تەنانەت ئا پوڵ و هامکاریە دارایە کە کۆکریاوە پەی خەڵکە بومەلەرزەونەدریاکەی خەرج نەکریا و ئانەیچە بەد کەردەیی ئاکەپەی نیشانە مەدۆنە.

ئامارەکێ دەوڵەتی یاگێ باوەڕی نییەنێ

جە دمای ٥-٦ سەعاتێ جە بومەلەرزەکەی ئاشکرا کریابێ کە تەنها ۱۰ کەسێ بینێ قوربانێ، بەڵام چونکە دەوڵەت ژمارەو تەمامو قوربانیەکان ئاشکرا نمەکەرۆنە پەوکەی گەل و ڕای گردین باوەڕی بە ئامارەکانیش نمەکرانێ. بێگومان ئێمە هیوادارێنێمی کە ژمارەو قوربانیەکان کەمتەر بۆنە، بەڵام کەمتەرغەمی و کێماسی دەسەڵاتی دیارەن و حاشانەکریان، ئەگەر دەسەڵاتداری ئیسەی نەفاڕیۆنە و پەی کارەساتە سروشتیەکان ڕاوجا نەگیریۆنەوەر، ئەگەر هەن تا جە ئایندەنە بە کارەساتە سروشتیەکان دلێشەنە بومەلەرزە هەزاران کەسێ تەرێ ببانە قوربانیێ. جە چنین بارودۆخێوەنە فرە گرنگە تا گەل بەوێش ڕاوجا بگێرۆنەوەر و هامکاری و پەشتیوانی هەنتری بکریۆنە.

پنەوازەن گەل وێش جە دەوڵەتی ڕزگار بکەرۆنە

شانە هاڵیکەردەی دەوڵەتی جە وەرپرسیاری و کەمتەرغەمی و کەموکوڕیەکێش بە ئاشکرا سەلەمنۆنەش کە پنەوازی هەن تا گەل وێش جە دەوڵەتی ڕزگار بکەرۆنە و بە سیستمی کۆنفدڕالی دیموکراتیک کاروبارش ڕاوەبەرۆنە و تەنها بەوی تەورە مەتاوۆنە ئامادەکاری پەی کارەساتە سروشتیەکان و ڕووبەڕووبەیشان بکەرۆنە و بپارێزنۆنە.

هامکاری یەکتری و بومەلەرزەوندریێکێ خارپێت-ی بکەردێ

چوون هامسەرۆکایەتی کۆنسەو ڕاوەبەری کۆما جڤاکێن کوردستانی - کەجەکە جارێوی تەر سەرەوەی جە خانەوادێ و کەسوکارێ گیان جەدەستدایەکان مەکەرمێنە و وازیارێنمێ هەرچی زووەن بریندارەکێ تەندروستیشان بەدەست باوەرانێوە و باوەڕمان هەن کە گەلەکەمان بە شێوازێوی فراوان و کارا هامکاری هەنتری و بومەلەرزەونەدریاکانو خارپێت-ی مەکەرانێ.