سەرسەبای ئارۆی، دەگاو هیزانکێی کە سەر بە دەڤەرو نەهلێ-و  قەزا (شارستان)و ئاکرێ-یەنە ٦ جارێ پەیاپەی جەلاو ۋاۋیەر (باڵەپڕ)ە جەنگییەکێ سوپا ئەرەگێرەکەو تورکیایەۋە بۆردومانە کریێنە.
بۆردومانکەردەکەی جە سەعات ۰۷:۰۰و سەرسەبای دەستش پنەکەردەن و تا دمانیمەڕۆی بەردەۋام بییەن. 
سەرچەمەکێ هەۋاڵی جە ئاکرێ-ۋە ئاشکراشان کەردەن: "بۆردومانەکێ زیانی گیانیشان نەبییەن، بەڵام زیانی فرەی ماددیشان دان جە باغێ، دارستانێ و لەۋەڕگێ ناوچەکەی و ئەرەنیشتێ ناوچەکەیش تووشێ تەرسێ و نیگەرانی کەردێنێ. 

جە ۳ ڕووێ ۋیەردێنە، ۋاۋیەرە جەنگییەکی ڕژێمو تورکیا ۱۱ جارێ هەمان ناوچەشان بۆردومان کەردەن و چەنڎین جارێچ ۋاۋیەری بێۋایەر (بێبیلۆت)ێ هەمان ڕژێمی سەرو ئاسمانو ناوچەکەیەرە سوڕێنێۋە.