جەی بارەۋە زەردەشت دینایی فەرماندە جە یەکینەکێ پارێزنای شەنگالی-یەبەشە ئاشکراش کەرد: "دمای داگیرکەردەی شەنگالی جەلاو داعشی، چەتەکێ داعشی جە شەنگال و دەوروبەرش هەزاران مینێ جۆربەجۆرێشان نیێبێنێ و مینەکێ بیێبێنێ بە مەتەرسی پەی هاموڵاتیانو هەرێمەکەی. پۆکەی جە سەرەتاو ئەرەمەرزنای یەبەشەی، تیمی ئەندازەیمان پەی هۆرگێرتە و پووچەڵکەردەی مینەکان دروست کەرد و دەستمان کەرد بە پڕۆسەو بەرئاۋردەی و پووچەڵکەردی مینی و جەی چۋارچێۋەنە هەزاران مینێ پووچێ کریێنێۋە".

فەرماندە زەردەشت دینایی دەستنیشانش کەرد: "پرۆسەکە بەردەۋامەن و دماین جاریچ جە دەگایەکێ ناوچەکانو تەل عەزیز و شێخ خدری و چەندین جە یاگە پیرۆزەکانو هەرێمەکەی هەزاران مینێ تەرێشان بەرئاۋردێنێۋە و پووچەڵێشان کەردێنێۋە".

فەرماندە زەردەشت دینایی، ۋاتیچش: "تاکە لایەنە کە جە شەنگالەنە کارش پەی مین هۆرگێرتەی کەردەبۆنە یەبەشە بییەن و هیچ لایەن و هێزێ وێش جە بابەتەکەی نەڎان. سەرەڕاو ئانەیە ئێمە بەردەۋامی بە پڕۆسەکەی مڎمێنە و تا بەیەکجاری هەرێمەکەی جە مینی پاکسازی بکەرمێنە. بەڵام ئاتاجمان بە ئامێرێ و ئامرازێ تەکنەلۆجیی تازێ هەن تا بە خێرایی هەرێمەکەی پاکسازی بکەرمێۋە. جەی چوارچێۋەنە داۋا جە یەکێتی ئەوروپای و ئەرەمەرزیا پەیوەندیدارەکان مەکەرمێنە هامکاریمان بکەرانە".