یەرەکە پەی ئێرانی: دەست جە کاری تێکدەرانەی هۆربگێردێ
(یەرەکە-YRK) کوشتەی و برینداربییەی ژمارێۋ پاسدارێش ئاشکرا کەرد و وریایی تنڎش بە دەسەڵاتداریی ئێرانی دا، تا دەستبەردارێ کاری تێکدەرانەی ببانە، ئەگینا گەریلا مافش هەن ۋێپارێزنای ڕەۋا بەکار باۋەۆنە.
میانگەو یاۋنەر و چاپەمەنی یەکینەکێ وەرهۆرزو کوردستانی (یەرەکە-YRK)، سەبارەت بە کارە تێکدەرەکێ دەسەڵاتداری ئێرانی جە وەرهۆرزو کوردستانی و دژ بە یەرەکەی ۋەڵاکریاش دان و وریاییش دان بە ڕژێمی تا زووەن دەستبەردارێ کاری تێکدەرانەی ببانە، ئەگینا یەرەکە مافشەن ۋێپارێزنای ڕەۋا بەکارباۋەڕۆنە. یەرەکە ئاشکراش کەردەن جە ڕووبەرووبییەی دوژمنیەنە ژمارێۋ پاسدارێ کوشیێنێ و بریندارێ بیێنێ.
یەرەکە ۋەڵاکریاکەشەنە ئەی زانیاریێشە دێنێ:
"ڕژێمو ئێرانی دەمێۋی درێژەن بە باڵەپڕێ سیخوڕیێ چەمداری هێزەکانمان مەکەرۆنە و دەستش بە چالاکیێ و جموجوڵێ سەربازیێ کەردەن. هەر چەنڎ هێزێکێمان وێشان جە ڕووبەڕووبییەی دوژمنی پارێزنان، بەڵام دوژمن بە پێچەۋانەۋە جەنگەرانەن و کارێ تێکدەرانێ ئەنجامێ مدۆنە و بۆسە منیانێۋەو چەمداری گەریلای مەکەرۆنە.
یەرەکە پی جۆرە ئاماژەش بە کارە تێدەرانەکێ هێزەکێ ئێرانی دان:
"جە ۲٤و کانوونو دووەمی، جە دەگاو گۆزیبانی سەر بە شاهۆو هەورامانی، هێزەکێ ئێرانی ئۆپەراسیۆنشان ئەنجام دان و ڕووبەڕوو دوژمنی بیێنێۋە و ئانێچە جەنگش شونیەرە ئامان، کە جە ئاکامشەنە ۱ سپایی کوشیان و ۳ تەرێ بریندارێ بیێنێ".
"جە ١١و شوباتی، جە دۆڵەو قاسملۆی سەر بە ناوچەو شنۆی، دوژمن ئۆپەراسیۆنش ئەنجام دان و گەریلا ڕووبەڕووش بییەنەۋە. دمای جەنگی و گورزدای جە دوژمنی، گەریلاکێ یەرەکەی بە سڵامەتی دەربازشان بییەن، بەڵام زیانە ماددیێ و گیانییەکێ دوژمنی نەزانیێنێ. دمابەدمای جەنگەکەی بازێ جە پارت و ڕێکۋزیاکێ ۋەرهۆرزو کوردستانی بانگەشەشان کەردەبێ کە گوایا هێزەکێ ئاڎیشان بیێنێ چەنی دوژمنی گژیێنێ، کە ئانێچە سەروبەرش دوورەن جە ڕاستییەۋە".
یەرەکە ئاماژەش پانەیە دان، "جە کۆساڵان و شاهۆ و هەورامانەۋە تا مەریوان، شنۆ، هەڵەبجە، پێنجوێنە و شارباژێڕ، دەسەڵاتداری ئێرانی بە باڵەپڕێ سیخوڕیێ چەمداری هێزەکێ یەرەکە-یش کەردەن".
یەکینەکێ وەرهۆرزو کوردستانی (یەرەکە-YRK)، بە تنڎی دەسەڵاتداری ئێرانی و هێزەکێش ۋریێ مەکەرۆنەۋە، ئەگەر بەردەۋامێ ببانە جە کارە تێدەرانەکانشان، گەریلا پەرچەکەردارش مەبۆنە و گەریلا مافی ڕۋاش هەن تا ۋێپارێزنای بەکار باۋەڕۆنە. یەرەکە وازیارەن تا دەسەڵاتداری ئێرانی هەرچی زووتەرەن دەستبەردارێ کاری تێکدەرانەی ببانە و کۆتایی باۋەرۆنە بە ئۆپەراسیۆنی لەشکری، بۆسەنیای و چەمداریکەردەی یەرەکەی.
