ئارۆ سەرسەبای جە سلێمانێ، هەڵەبجە، گەرمیان و ڕاپەڕین، هێزەکێ ئاساییشی کە سەر بە یەکێتی نیشتمانی کوردستان-(یەنەکە)یەنێ، جمیەری ئازادی گلێرگەو کوردستانی (تەڤگەری ئازادی کۆمەڵگەی کوردستان)یشان ئاگادارکەردەنەۋە تا جە ۲٤ سەعات-ێنە بارەگاکانش بۋزۆرە. ئاساییش پەی ئەرەۋستەکەی نەبیەی مۆڵەتی فەرمیش کەردەن بە بەهانە. 

ڕاوەبەرێ تەڤەگەری ئازادی سەبارەت بە مژارەکەی ۋاتەنشان: "داۋاکاریێ پی جۆرە تەمام سیاسی-یەن و دما بەدماو بڕیارێ ئامان کە قوباد تاڵەبانی گەورە ۋەرپەرس جە یەکێتی نیشتمانی کوردستانی-یەنەکە چێرو کاریگەری دەوڵەتە هەرێمیەکانە دانش و جە ئیسەنە پەی چارەسەرکەردەی بابەتەکەی چەنی ئاساییشی و یەکێتی ئینێ گفتوگۆنە".

ڕاوەبەرێ جمیەرەکەی ئاشکراشان کەردەن: "مۆڵەتی فەریمیشان جە ئێراق هەن و هەرێم-یچ بەشێن جە ئێراقی، بەڵام سەرەڕاو ئانەیە جە سەرەتاو ئەرەمەرزنای تەڤگەری جە هەرێمیچ پەی مۆڵەتی فەرمی سەردای ۋەزارەت و لایەنە پەیوەندیدارەکانمان کەردەن، بەڵام وەڵام نەدرێنمێۋە. بە پاو یاسای ئەگەر تا ٤٥ ڕۋێ وەڵام نەبۆنە ئاوەختە ئیتر وێبەوێ تەڤگەر مۆڵەتەکەش ببۆنە بە فەرمی".

جمیەری ئازادی گلێرگەو کوردستانی (تەڤگەری ئازادی کۆمەڵگەی کوردستان)، جە ١٧/١٠/٢٠١٤ی مەرزیانەرە و جە ٤/١٢/٢٠١٧ بە فەرمی پێسەو پارتێ سیاسیی جە سەرتاسەرو ئێراقی مۆڵەتش دریان پنە. جمیەرەکە سەرەڕاو فشارێ، ئاسەتەنگیێ و هێرشێ پەی سەریش، جە باشورەنە خاوەن جەماۋەر و ستاتۆن و جە دمایین هۆرۋچنای پارلەمانو ئێراقی-یەنە سەرەڕاو ساختەکاری فرەی، ۱ کورسی پارلەمانەکەیش بەدەست ئاۋردەن. هەرپاسە چەمەڕا کریێ جە دمایین هۆرۋچنای پارلەمانو هەرێمیەنە چنڎ کورسیێ مسۆگەر بکەرۆنە، بەڵام بە بڕیارێ سیاسی ڕا بەشداریش ۋنە گیریێ بێ.