۲۰ کۆنگرێس-مانێ نامێ هامبەشەشان پەی دوناڵد ترامپ-ی کیاستە

۲۰ کۆنگرێس-مانێ ئەمەریکای بە نامێ هامبەشە سەبارەت بە ئەۋەکێشیای جە ڕۆژئافا و سوریا هۆشداری بە دوناڵد ترامپ-ی مڎانە.

دمابەدمای ئانەیە کە دۆناڵد ترامپ سەرۆک کۆمارو وڵاتە یۆگێرتەکانو ئەمەریکای بڕیارشدا هێزەکێ وڵاتەکەیش جە ڕۆژئاڤاو کوردستانی و سوریای بکێشۆۋە، هەم جە ئاستی ئەمەریکی هەم جە ئاستی جیهانیی کارۋەدای تنڎێش شۆنیەرە ئامێ، کە جە چوارچێۋەشانە ڕەخنە جە بڕیارەکەی گیریا و جیمس ماتیاس وەزیرو ۋەرگیری ئەمەریکا و برێت مەکگۆرک نمایندەو سەرۆک کۆماری ئەمەریکا جە هامپیمانی میاندەوڵەتی دژ بە داعشی دەستشان جە کاری کێشاۋە و جە دەستکێشای وەزیرو بەریچ ئینا ئارانە. 

هەر جە بەردەۋامی کارۋەدایەکانە، ۲۰ کۆنگرێس-مانێ ئەمەریکای بە نامێ هامبەشە سەبارەت بە ئەۋەکێشیای جە ڕۆژئافا و سوریا هۆشداری بە دوناڵد ترامپ-ی مڎانە و مەتەرسیەکانو ئەۋەکێشیاکەی مەوزانە ڕووە.

هاوارنیوز کۆپیێ جە نامەکێش ۋەڵاکەردەنەۋە کە میانشەنە ئامان:

وەشەۋیس بەڕێز دۆناڵد ترامپ

ئێمە ئەی نامێ پەرێت منۋیسمێنە تا هۆشداریت بدێمێ پنە سەبارەت بە ئەۋەکێشیای هێزەکانمان جە سوریا و بەپەلە داۋا جە وەزیر جیمس ماتیاس و ڕاوێژکاری ئاساییشی نیشتمانی بوڵتۆنی بکەری تا شیکاری بارودۆخەکەیت پەی بکەرانە. سەرەڕا ئانەیە کە هامڕێتەنمێ، کە ئەمەریکا پۆلیسی جیهانی نییەن و نمەبۆ جە ململانێ بێکۆتاییەکانە گرفتار ببۆنە، بەڵام دیسان نیگەران-نێنمێ جە ئەۋەکێشیاکەی، چونکە زیانی مەزن بە بەرژەوەندی ئەمەریکای جە ناوچەکەنە مەیاونۆنە.

ئێمە جە دەرەنجامە وێرانکەرەکێ بڕیارەکەی فرە نیگەران-نێنمێ و بە تایبەتی جە کاریگەری نەرێنیش سەرو هامپەیمانە کوردەکانمان. هێزەکێ سوریای دیموکراتیکی-قەسەدە، شانبەشانمان دژ بە دەوڵەتی ئیسلامی-داعش جەنگیێ و دمای ئانەیە پەی شکستدای دوژمنی هامبەشیمان بە هۆن و گیانشان قوربانیشان دان، نمەکریۆنە جەی دۆخە هەستیارەنە دەستبەردارێشان ببێمێنە و بە تەنیا بازمێشان جیا. بێگومان هێز و ئایندەمان گرەنتی بییەی هامپەیمانەکانمانە. هامکات بڕیارەکە دەستکەوتە گرنگێ کە جە شکستدای داعشی بەدی ئامێنێ مەۋزۆنە مەتەرسی جدی.

ئێمە نیگەرانێ هەژەمونو ئێران، تورکیا و ڕووسیا-یەنمێ کە سەقامگیری سوریایشان تێک دان. بێشک ئاشکران، کە سەرۆک ئەردۆغان ئامادەکاری پەی داگیرکەردەی سەرنیشتو سوریای مەکەرۆنە و ئامانجشەن هامپەیمانە کوردەکانمان دلێنەبەرۆنە. ئەگەر ئەمەریکا بەخێرایی بکێشیۆۋە، بۆشایی گەورە جە وەرهۆرزی میانی دروست ببۆنە، بێگومان بۆشایەکە ئاڵۆزی و ناسەقامگیری و ململانێ گەورەێ شۆنیشەرە ماۋەرۆنە، کە ئەگەرش هەن داعش و ئەلقاعدەی سەرجەنو بژیونۆۋە.

بە کورتی جە کات و ساتو ئەۋەکێشیاکەی نیگەران-نێنمێ، سەبارەت بە سەرڕاستکەردەی بڕیارەکەی کارا چەنی ئیدارەکەیتان کۆشش مەکەرمێنە و چەمەڕاو وەڵام-یتانمێ.