۳۳٥ ژەنی جە سەرنیشتو کوردستانی و تورکیا کوشیێنێ

جە سەرەتا ۲۱۸ی تا ئیسە جە تورکیا و سەرنیشتو کوردستانی ۳۳٥ ژەنی کوشیێنێ و هەزاران ژەنێ تەرێ ڕووبەڕوو تنڎوتیژی بیێنێۋە و هۆکاری سەرەکی تنڎوتیژیەکەی سیاسەت و یاساکێ دەوڵەت-یەنێ.

جە تورکیا و سەرنیشت (باکور)و کوردستانی، دمای ئانەیە کە ئاکەپە دەسەڵاتش گێرتەن دەست، تنڎوتیژی دژ بە ژنێ دەیان قاتێ زیادش کەردەن و کوشەتەی و ئەشکەنجە و ۋنەدای ودەستدرێژی-کەردەی سەرو ژەنێ یاۋان ئاستی فرە مەترسیدار و تەرسناک.
 
جەی بارەۋە پلاتفۆرم-و "ئێمە ۋەر جە کوشتەی ژەنێ مەگێرمێنە"، ئامارێش ۋەڵاکەردەنەۋە و دلێشەنە ئاشکراش کەردەن: "جە سەرەتا ۲۱۸ی تا ئیسە جە تورکیا و سەرنیشتو کوردستانی  زیاتەر جە ۳۳٥ ژەنی کوشیێنێ و هەزاران ژەنێ تەرێ ڕووبەڕوو تنڎوتیژی  بیێنێۋە و بینێ قوربانیێ سیتمی پیاسالاری گلێرگەی. قوربانیەکێ جەلاو برا، تاتە، وەشەویس، دەزگیران، هامسەر، کەسوکار و تەنانەت پیێ نەناسیێ تنڎوتیژیشان ۋارانۋەر کریان".

پلاتفۆرمەکە ئاشکراش کەردەن:" کاتێ تەماشەو ئامارەکەی و کرۆنۆلۆژیاییەکەی مەکریۆنە، ئاشکرا مەبۆنە تنڎوتیژی ژ بە ژەنێ ڕۆچ بە ڕۆچ زیاتەر مەبۆنە و جە ۳ ژەنان ۱ ژەنی جەلاو هامسەری یان ۋەسەویس و دەزگیرانیش تنڎوتیژیش ۋەرانۋەر ئەنجام دریان و مڎریۆنە. تنڎوتیژەیەکە هۆکارێش فرێنێ، بەڵام سەرەکی تەرنیشان پیاسارییەن".
 
پلاتفۆرم-و "ئێمە ۋەر جە کوشتەی ژەنێ مەگێرمێنە"، سەبارەت بە جۆەرکان تنڎوتیژی دژ بە ژەنێ دەستنیشانش کەردەن:"جۆرەکێ تنڎوتیژی فرێنێ. بە تایبەتی بوارەکێ جەستەیى، دەروونی، زایەندیی و ئابووریی و هاموەخت سیاسەتی پیاسالارانەو دەوڵەتو تورکیای و یاسا دژە ژەنیەکێش و سزا نەدای تنڎوتیژکارانی فرەتەرین هۆکارێنێ پەی تنڎوتیژیەکەی. دیسان سزانەدای تئەنجام دەدرێت و ئەوەش کاریگەری لەسەر ژیانى ژنان دەکات.