بەڕێوەبەرایەتی شوێنەوارناسی عەفرین وێنەی گردی شۆربەی لە گۆگل ئێرس بەدەست هێنا کە ٢٨ی کانونی یەکەم تۆمارکراوە و بەپێی دیمەنەکە دەوڵەتی داگیرکەری تورک گردە دێرینەکەی تاڵانکردووە.

بەپێی هەواڵێکی ئاژانسی هەواڵی هاوار، دەوڵەتی داگیرکەری تورک لە بەرزاییەکانی گردی شۆربەی عەفرین، چاڵی گەورەی هەڵکۆڵیوە و هەموو شوێنەوارە مێژووییەکانی هەڵوەشاندووە.

بەپێی زانیاریەکان، دارە زەیتونەکانی باکور و باکوری رۆژئاوای گردەکەش تاڵانکراون.

گردی شۆربە ٢٠ کیلۆمەتر لر عەفرینەوە دوورە و سەر بە گوندی گەمروک و سێمالکایە.

گردەکە ٧٠٠ مەتر لە گوندی گەمروک دوورە. وەزارەتی کشتوکاڵی سوریا و بەڕێوەبەرایەتی شوێنەوارناسی سوریا بە بریاری ١٩٨١ (خاڵی ٢٤٤)، گردەکەیان وەک گردێکی مێژوویی تۆمار کرد.

بەڕێوەبەرایەتی شوێنەوارناسی عەفرینیش باسی ئەوەی کرد، زانیاریان لەبەردەست نییە، ئایا ئەو چاڵانەی گردی شۆربە چەند قوڵن و بەرهەمی مێژوویی بەدەستهێنراون یان نە.

ف.ق