دانیشتووانی هه‌رێمی فورات خاوه‌ندارییان له‌ ژنانی رۆژهه‌ڵات كرد

له‌ هه‌رێمی فورات به‌ سه‌دان كه‌س خاوه‌ندارییان له‌ به‌رخودانی رۆژهه‌ڵاتی كوردستان كرد.

له‌ هه‌رێمی فورات به‌ سه‌دان هاوڵاتی رژانه‌ گۆڕه‌پانه‌كان و خاوه‌ندارییان بۆ به‌رخودانی ژنانی رۆژڵات ده‌ربڕی. خۆپیشاندانه‌كان، له‌لایه‌ن بزوتنه‌وه‌ی گه‌نجانی شۆڕشگێڕی سوریا و یه‌كێتی ژنانی گه‌نجی هه‌رێمی فورات رێكخرا. خۆپیشاندانه‌كه‌ له‌ گۆڕه‌پانی شه‌هید عه‌گیدی ناوه‌ڕاستی شاری كۆبانێ ده‌ستیپێكرد. له‌ خۆپیشاندانه‌كه‌دا پلاكارد به‌ نوسراوی "به‌ پێشه‌نگایه‌تی ژنان ئێمه‌ بیركردنه‌وه‌ی ده‌سه‌ڵات تێكده‌شكێنین"، " ژن هێمای ئازادین، به‌ كولتوری ژنان خائینه‌كان شكست ده‌ده‌ین" به‌رزكرانه‌وه‌ و دروشمی "ئازادی بۆ ژنان" به‌رزكرایه‌وه‌.

له‌ گۆره‌پانی ژنی ئازاد، ئه‌ندامی به‌ڕێوه‌به‌ری بزوتنه‌وه‌ی گه‌نجانی شۆڕشگێڕیی سوریا و یه‌كێتی ژنانی گه‌نج له‌ هه‌رێمی فورات هه‌بوون محه‌مه‌د شه‌هید ئارین میركانی به‌ بیرهێنایه‌وه‌ و به‌م جۆره‌ دووا: " وه‌ك ئه‌مڕۆ، شه‌هید ئارین میركان كه‌ له‌ پێناو ئارامی و ئاسایشی ئێمه‌دا ژیانی خۆی به‌خت كرد".  هه‌بوون باسی له‌وه‌كرد، كه‌ ئه‌و چیرۆكه‌ له‌ رۆژهه‌ڵاتی كوردستان دووباره‌ ده‌بێته‌وه‌ و به‌ پێشه‌نگایه‌تی ژنان گه‌ل بێده‌نگی ده‌شكێنن و له‌ دژی حكومه‌تی فاشیست ده‌وه‌ستنه‌وه‌.

هه‌بوون پشتگیری ژنانی رۆژئاوای بۆ ژنانی رۆژهه‌ڵات ده‌ربڕی و جه‌ختی كرده‌وه‌ كه‌ هه‌ر شه‌هیدێكی رۆژهه‌ڵات شه‌هیدی رۆژئاواشه‌ و وتی، " هه‌ر ژنێك له‌وێ هاواری ئازادی ده‌كات، ئێمه‌ش ده‌نگمان ده‌خه‌ینه‌ پاڵ ده‌نگی".

هـ . ب