دوو تەقینەوە لە جەرابلوس روویاندا و ١٥ کەس بریندار بوون
لە ناوچەى جەرابلوس، کە لەلایەن دەوڵەتی تورکەوە داگیرکراوە، ٢ تەقینەوەی گەورە روویاندا. بەلانیکەمەوە لەو تەقینەوانەدا ١٥ کەس بریندار بوون.
بەپێی زانیاریی سەرچاوە خۆجێیەکان، لە جەرابلوسی داگیرکراوی ژێر دەستی دەوڵەتی تورکی داگیرکەر ٢ تەقینەوەی یەک لەسەر یەک روویاندا.
تەقینەوەکان لە نزیک "ئەنجوومەنی خۆجێی" روویاندا، کە ئەو ئەنجوومەنە لەلایەن داگیرکەرانەوە دروستکراوە.
لەو تەقینەوانەدا بە لانیکەمەوە ١٥ کەس بریندار بوون.
لەبارەی هۆکاری تەقینەوەکەوە زانیارییەکی روون لە بەردەستدا نییە.
ژ.ت
