جە ١٧و نیسانوو ٢٠٢٢ بە دماوە دەوڵەتوو ترکی فاشیستی بە گرد نۊعە چەکێ قەڎەغەکریاوە هجوومێ کەرۊ سەروو هەرێمەکاو پارێزنای مێدیای. ئەرەنیشتاو  مەحاڵوو "قنێ"و کۆبانێ جە بارەو هجوومەکاوە قسێشا پەی ئاژانسوو هەواڵوو فوراتی کەردە و باسشا چانەیە کەرد، کە ئاڎێ تا سەر پەشتیوانیی گەریلاکاو ئازاڎینێ.

عەلی خشمان ئەرەیاوناش، کە دەوڵەتوو ترکیەی مەڕیۊ، وەروو ئانەینە چەکی کیمیاوی بەکارمارۆ ئانەیچشە وات: " دەوڵەتوو ترکیەی چنڎە هجوومێشا کەرڎێ سەروو کەشەکا، بەڵام شکستشا ئارڎ و نەیاوێ بە ئامانجەکاشا. پەوکای چەکی کیمیاویشا بەکارئارڎ. ئا چەکێ کە جیهاننە قەڎەغەنێ و جە دژوو گەریلاکاو ئازاڎیی کوردستانی و ڕۊڵەکاما بەکارشا مارۊ. بە بەکارئاوردەی چەکی کیمیاوی گەرەکشانە گەریلایەکا  دلێنە بەرا و دەنگوو گەلا کپ کەرا. بەڵام با دەوڵەتوو ترکیەی خاس بزانۊ، کە حەرگیز دەنگوو گەریلای کپ مەبۊ. مدرامانوو گەریلای گەورەتەر بۊ گولانە مەبۊوە".

عەلی خشمان، سڵامش جە مدرامانوو گەریلای کەرد و واتش، "ئێمە هزر و فەلسەفەو ڕابەر "ئاپۆیما هەن، ئێمە پێسە گەلی تا سەر پەشتیوانیی گەریلا ی بیمێ. سەروو بنەماو ویری ئازاڎوو رابەر "ئاپۆ" و ئیراڎەو گەلا وێما گێرمێ و مردمێرە. دەوڵەتوو ترکی جە وەراوەروو گەریلاینە مەڕیۊ . سڵام جە یوە یوەو گەریلای و پەنەشا ماچمێ؛ شمە ئازاڎیی ئی گەلیندێ".

جیهان مستەفا... باسش چانەیە کەرد  کە دەوڵەتوو ترکی سەرەمڕا جە هجوومەکاش پەی سەروو کەشە ئازاڎەکا بەڵام با خاس بزانۊ، کە مەڕیای سەرەمڕ بەشوو دەوڵەتوو ترکی بۊ و واتیچش: "ئێمە پێسە "ئەڎێ" تا دمایی پەشتەو گەریلای وەر مەڎەیمێ. بەکارئارڎەی چەکی کیمیاوی دژوو گەریلای شەرمەزار کەرمێ. ئەگەر داوا کریۊ ئێمەی "ئەڎێچ" چەک ور گێرمێ و پەشتیوانیی گەریلاکاما بیمێ. گەریلێکێما جە چەکی قەڎەغەکریای بەقووەتتەرێنێ ".