ئاژانسی هەواڵی هاوار بڵاویکردەوە، چەتەکانی ئەل حەمزەت، کە لەلایەن سەرەک چەتە ئەبو جابری بە کرێگیراوی رژێمی داگیرکەری تورکەوە بەڕێوەدەبرێت، گوندی فرێریی سەر بە ناوچەى جندرێسی عەفرینی کردووەتە ئامانج و گەمارۆی داوە.

داگیرکەران دەستیان بە تاڵانکردنی باخەکانی زەیتونی ئەو گوندە کردوە و هاووڵاتییانی گوندەکەش لە دژیان وەستانەتەوە و راپەڕیون.

دوای ئەوەى هاووڵاتییانی گوندی فرێریی لە بەرامبەر چەتەکاندا راپەڕین، چەتە تاڵانچییەکان گوندەکەیان گەمارۆدا و تەقەیان لە ماڵی هاووڵاتییان کرد و بە چەکی قورسیش هێرشیان کردە سەر گوندەکە.

هاووڵاتییانی ئەو گوندە نیگەرانن لە ئەگەری کۆمەڵکوژکردنیان لەلایەن چەتەکانی دەوڵەتی تورکەوە.

ژ.ت