لە چوارچێوەی تۆڵەسەندنەوە لە سوپای تورکی داگیرکەر و چەتەکانیدا، هێزەکانی رزگاریی عەفرین بەردەوامن لە چالاکییەکانیاندا و لە راگەیێنراوێکیدا هاتووە:

"لە بەرواری ١١ی کانونی یەکەم لە دەوروبەری گوندی کەفەر خاشر-ی سەر بە هەرێمی عەزاز هێزەکانمان لە دژی سەنگەر و بارەگای چەتەکانی گروپی 'لیوا ئەلفەتح' چالاکییەکیان ئەنجامدا. لە ئەنجامی چالاکییەکەدا ٢ چەتەکی گروپە ناوبراو کوژران و چواریشیان بریندار بوون، هەروەها دۆشکەیەکی داگیرکەرانیش لەناو براوە.

دوای چلاکییەکەی هێزەکانمان، سوپای تورکی داگیرکەر و چەتەکانی بە ئۆبوس گوندەکانی مالکییە و مەرەناز-ی سەر بە ناوچەی شارایان تۆپباران کرد. لە هەمان کاتدا فڕۆکەی کەشفی سوپای تورکی داگیرکەر بە بێ وەستان بەسەر ئاسمانی ناوچەکەدا سوورانەوە."

ز.ش