هێزەكانی رزگاریی عەفرین "هەرەئە" سەبارەت بە چالاكیەكانی خۆیان لەنێوان ١٠ تا ١٦ی تەشرینی یەكەم لەدژی ئەرتەشی داگیركەری تورك، راگەیندراوێكی بۆ رای گشتی بڵاوكردەوە.

راگەیەندراوەكە لەسەر ماڵپەڕی فەرمی هەرەئە بڵاوكراوەتەوە و وەها دەڵێت:

رۆژی ١٠ی تەشرینی یەكەم لەئەنجامی چالاكیەكی تایبەت لەهەرێمی مارع، سەرچەتەیەك كۆژرا و چەتەیەكی دیكە بریندار بوو.

لە هەمان رۆژدا لەسەر رێگەی جندرێس لەئەنجامی چالاكیەكدا ٢ چەتە بریندار بوون.

رۆژی ١١ی تەشرینی یەكەم لەهەرێمی مارع، لەئەنجامی چالاكیەكی نیشانە شكێندا، چەتەیەك كۆژرا.

لە ١٢ی تەشرینی یەكەمدا لەهەرێمی عەفرین و باب لەبەرامبەر چوار ناوەندی ئەرتەشی توركی داگیركەر چالاكی تایبەت پێكهاتن.

لەئەنجامی ئەو چالاكیانەدا ٥ سەربازی توركی داگیركەر كۆژران و هاوكات ئۆتۆمبێلێکی دوشكا هەڵگر تێكشكێندرا.

لەهەمان رۆژدا لەهەرێمی باب لەدژی چەتەكانی دەوڵەتی داگیركەری تورك چالاكی پێكهات. لەئەنجامدا لەو چالاكیەشدا ٥ چەتە كۆژران و زەبرییش لە ئۆتۆمبێلی چەتەكانیش وەشێندرا.

لە ١٤ی تەشرینی یەكەمدا لەگوندی كەفەرجەنە لەهەرێمی عەفرین، لەبەرامبەر ئەرتەشی داگیركەری تورك چالاكی پێكهات و لەئەنجامی ئەو چالاكیەش دا ٢ سەبازی تورك كۆژران و سەربازێكی تریش بریندار بوو.

لە ١٦ی تەشرینی یەكەم لەهەرێمی عەفرین لەئەنجامی چالاكیەكدا ئۆتۆمبێلێكی چەتەكان تێكشكێندرا.

لەو چالاكییانەدا بەگشتی ٧ سەربازی ئەرتەشی توركی داگیركەر و ٧ چەتەی تر كە یەكێكیان سەرچەتە بوو كۆژران و ٣ چەتەی دیكەش بریندار بوون.

ژ.ت