جە خورماڵ پەردە سەرو پەیکەرو پڕۆفیسۆر دکتۆر موستەفا زەڵمی لادریا

جە خورماڵ بەمەڕاسیمێ شکۆدار پەردە سەرو پەیکەرو پرۆفیسۆر دکتۆر موستەفا زەڵمی لادریا کە پەیکەرساز (عومەر جەمیل)ی سازکەردەن.

جە شارو خورماڵی سەر بە هەرێمو هەورامانی، بە مەڕاسیمێ شکۆداری جەماوەری، پەردە سەرو پەیکەرو کۆچکەردە ”پرۆفیسۆر دکتۆر موستەفا زەڵمی“، نویسەر، ڕۆشنویر و ویرمەند، شەرعیەتزان و قانوزانی گەورە و هەورامانی، کوردستانی و جیهانو ئیسلامی، لادریا.
جە مەڕاسیمەکەنە سەرەڕاو کەسوکارو کۆچکەردەی، جەماوەرێوی فرە، وەزیرو ڕۆشنویری حکومەتو هەرێمی حەمە حەمەسەعیدی، پارێزگارو هەڵەبجەی و کاربەدەستێ حزبیێ و حکومیێ ئامادێ بێنێ.
جە مەڕاسیمەکەنە چەنڎین وتارێ کە گوزارێ بێنێ جە گەورەیی و دانایی کەسایەتیی کۆچکەردە موستەفا زەڵمی پێشکەشێ کریێ.
پەیکەرەکە جەلاو سەرۆککۆمارو ئێراقی سپۆنسەری کریان و پەیکەرساز عومەر جەمیل-ی ساز کەردەن. جە ئا بارەوە نامبریا بە (ڕۆژنیوز)یش واتەن: “بە وەشحاڵییەوە ئەركو سازکەردەو پەیكەرو پڕۆفیسۆر دكتۆر مستەفا زەڵم-یم جە ئەستۆ گێرت ‌و دمای ٤ مانگێ کاری بەردەوام تەمام کەرد”.

نامبریا واتەنیچش: “پەیكەرەكە جە ماددەو فایبەر گڵاسی دروست كریان، بەرزییەكەش ٢ مەترێ و ٥٠ سانتیمەترێن و پانییەكەش ٨٥ سانتیمەترێن”.

ژیانامەو موستەفا زەڵمی:

موستەفا ئیبراھیم محەممەد ئەمین ئەشناسیا بە موستەفا زەڵمی، جە ١و تەممووزو ١٩٢٤ جە دەگاو زەڵم-ی سەر بە هەرێمو هەورامانی جەئەڎێ بییەن و جە – ٤و حوزەیرانو ٢٠١٦ جە ھەولێر جە  تەمەنو ٩٢ ساڵییەنە کۆچی دماییش کەرد.
زەڵمی ساڵەو ١٩٣٤ی نریان وەنەی و جە وانگای ئایینی دەستش پنەکەردەن و دماتەر پەی بەدەستوستەی زانستی سەردای فرە دەگایا و شاراو هەورامانی و کوردستانیش کەردەن و جەلاو مامسا نامییەکانو ئا سەردەمەیە زانستەکێ: (نەحو، سەرف، مونازەرە، مەنتیق، بەلاغە، ئوسوڵەکێ دینی و فیقهی، فەلسەفە، ویرکاری، فەلەکشناسی)یش واننێنێ. دماتەر جە ١٩٤٦ جە کۆیە وانای ئایینیش تەمامنان و بڕوانامەو مەڵایەتییش هۆرگێرتەن.
شۆنیشەرە زەڵمی بەشداری سپاو ئێراقی بییەن و چوون ئیمام دەستبەکار بییەن. جەشۆڕشو  ١٤و تەممووزو ساڵی ١٩٥٨یەنە بەشداریش کەردەن و چەنڎین ئەرکێ نیشتمانیێش گێرتێنێ ئەستۆ و پڕنێنێشەوە. دماتەر جە سیاسەتی دوور کەوتەنەوە و سەرقاڵ بییەن بە زانستی و باوەڕداری و جە ئی چوارچوەنە جە زانستگاو بەغدادی درێژەش بە وانای دان و جە ساڵەو ١٩٦٥ی بەکالۆریۆسیش بەدەستوستەن. شۆنیشەرە جە ١٩٦٨و ماستەرش جە شەریعەی بەدەستوستەن. بەڵام دیسان عەوداڵو زانستی و وانای زیاتەری بییەن و پەوکەی شییەن مسر و جە زانستاو (ئەزهەر)یەنە بە پلەی بەرز چەنڎین بڕوانامێش بەدەستوستێنێ.
دماوە گێڵانەوە بەغداد و چوون بەنامودەنگ تەرین مامسا جە کۆلیژەکانو قانونی جە زانستگاکانە دەستبەکاربییەن. 

بڕوانامەکێش:

١٩٤٦ – ئیجازەو زانستی مەڵایەتیی.
١٩٦٥ – بەکالۆریۆس جە قانو.
١٩٦٩ – ماستەر جە شەریعەتو ئیسلامی.
١٩٧١ – ماستەر جە  فیقھی بەراوردکاری/ زانستگاو ئەزھەری.
١٩٧٣ – ماستەر جە قانونی/ زانستگاو قاھیرەی.
١٩٧٥ – دکتۆرا جە فیقھی بەراوردکاری جە زانستگاو ئەزھەری.
١٩٨١ – مامسای یاردیدەر جە زانستگاو بەغدادی.
١٩٨٥ – مامسا جە  زانستگاو بەغدادی.
١٩٨٧ – پرۆفیسۆری زانستگاو بەغدادی.
٢٠٠٥ – دکتۆرا جە قانون جە زانستگاو بەغدادی.

زەڵمی زیاتەر جە ٥٠ کتێبێش نویستێنێ کە گرنگتەرینێشان ئینێنێ:

أحكام الزواج والطلاق في الفقه الإسلامي دراسة مقارنة في القانون.
أحكام الميراث والوصية وحق الإنتقال.
أخطاء أصولية لأبن السبكي في كتابه جمع الجوامع.
أسباب اختلاف الفقهاء في الأحكام الشرعية.
أسرار ثورة 14 تموز لسنة 1958.
أصول الفقه.
أصول الفقه في نسيجه الجديد.
الإلتزامات في الشريعة الإسلامية والقوانين المدنية العربية.
الإلتزامات في ضوء المنطق والفلسفة.
أهمية الطاقات الروحية في الجيش.
التبيان لرفع غموض النسخ في القرآن.
تجفيف مستنقع العبيد والجواري في القرآن الكريم.
التدخين وأضراره وتحريمه في القرآن.
حق الحرية في القرآن الكريم.
حقوق الإنسان في الإسلام.
حكم أحكام القرآن.
حكم التعامل مع الجين البشري في الشريعة الإسلامية.
خطوات الطلاق.
دلالات النصوص وطرق الإستنباط الأحكام في ضوء الفقه الإسلامي.
شرح قانون الأحوال الشخصية (أحكام الميراث والوصية).
الصلة بين المنطق والقانون.
الطلاق المعلق في الشريعة الإسلامية.
الطلاق المقترن بالعدد لا يقع به الا طلقة واحدة.
الطلاق في الشرائع والقوانين والأعراف خلال أربعة آلاف سنة.
الطلاق في القرآن.
الطلاق مرتان في تفاسير القرآن.
فلسفة الشريعة.
فلسفة القانون.
فلسفة المسؤولية الجنائية في ضوء الفعل والأنفعال الفلسفيين.
فلسفة المسؤولية المدنية في ضوء مقولات أرسطية.
القلق- أسبابه، أنواعه، علاجه.
المباديء والحقوق الدستورية في القرآن مقارنة بالدساتير الوضعية وإعلانات حقوق الإنسان.
مجموعة الأبحاث العلمية.
المدخل لدراسة الشريعة الإسلامية (تأليف مشترك).
المدخل لدراسة الشريعة الإسلامية في نمط جديد.
المسؤولية الجنائية في الشريعة الإسلامية- دراسة مقارنة.
معين القضاة في تحقيق العدل والمساوات.
المنطق القانوني.
المنطق القانوني في التصورات.
منهاج الإسلام في مكافحة الإجرام.
موانع المسؤولية الجنائية في الشريعة الإسلامية والتشريعات الجزائية العربية.
نظرية الإلتزامات برد غير المستحق.
نظرية الضمان في الفقه الإسلامي والقوانين المدنية.
حقوق الإنسان وضماناتها في الإسلام.
ايضاح الفوائد في شرح القواعد.
القرآن وقاعدة الولد يتبع خير الأبوين دينا.
القرآن وقاعدة تتغير الأحكام بتغير الأزمان.
تفنيد مزاعم تأثر الفقه الإسلامي بالفقه الغربي.
تةرازوى ميرات (ميزان تقسيم الميراث)
كاروانى ذيانم. ج 1-2 .
مولود نامة.