رێپێوانەکە لەبەردەم پارکی رێبەر ئاپۆ لە گەڕەکی ناسیرای شاری حەسەکە دەستی پێکرد. گەنجان ئاڵای پارتی دوارۆژی سوریا، پانکارتی ' بە رۆحی شەهیدانمان و شەهیدانی پاریس لە بەرامبەر داگیرکەر دەوەستینەوە، دەستکەوتەکانمان دەپارێزین، سوریایەکی دیموکرات، هەڕەنگ و ناناوەندی دروست دەکەین." و ' بە رۆحی تێکۆشانی سارا و ئەڤینەکان، ئازادی ژنان مسۆگەر دەکەین' بەرز کردەوە و بێ وەستان دروشمی شەرمەزارکردنی هێرشی داگیرکەری تورک و پشتگیریکردن لە بەرخۆدانی قەسەدە ' وترانەوە.

رێپێوانەکە لەبەردەم کۆمیتەی ژینگە و شارەوانی شاری حەسەکە بۆ میتینگ گۆڕا. وتەبێکی ئەنجومەنی گەنجانی پارتی دوارۆژی سوریا فەرەح سالم قسەی کرد.

لە راگەیەندراوەکەدا باسی ئەوەکرا کە دەوڵەتی داگیرکەری تورک بە ئامانجی تێکشکاندنی پرۆژەی بەڕێوەبەری خۆسەر و یەکێتی پێکهاتەکانی هەرێمەکە، هێرشەکانی بۆ سەر باکور و رۆژهەڵاتی سوریا بەردەوامە.

فەرەح سالم رایگەیاند کە دەوڵەتی تورک بە بیانوی پاراستنی ئاسایشی نەتەوەی خۆی، لەنێو بێدەنگی نێودەوڵەتیدا تاوانی شەڕ لەدژی دانیشتوانی باکور و رۆژهەڵاتی سوریا دەکات.

لە راگەیەندراوەکەدا باسی ئەوەشکرا کە ئێمە وەک ئەنجومەنی سوریای دیموکراتی دوارۆژی هەڵوێستی خۆمان و کۆبونەوەی لە دەوری قەسەدە تەئکید دەکەینەوە و هەموو هێزی خۆمان بۆ سەرکەوتنی گەلانمان لە سایەی تێکۆشان و خوێنی شەهیدان بە دەست دەهێنین و گەلەکەمان دەپارێزین."

میتینگەکە بە وتنەوەی دروشمی دڵسۆزی بۆ شەهیدان و پشتگیریکردن لە بەرخۆدانی ژنان کۆتایی هات.

ف.ق