ڤیلادیمیر ڤۆرۆنکۆڤ نوێنەری سکرتێری گشتی نووسینگەی تێکۆشانی دژی تیرۆری نەتەوە یەکگرتووەکان، داوای لە دەوڵەتان کرد کە منداڵەکانیان لە کەمپی هۆڵ بگوازنەوە.

ڤۆرۆنکۆڤ ئاماژەی بەوەکرد کە ئەو منداڵانە زیاتر منداڵی داعشن  و ٢٧ هەزار منداڵ پشتگوێخراون و مەترسی ئەوە هەیە کە رادیکاڵ بکرێن.

لە کەمپی هۆڵ کە گەورەترین کەمپی کۆچبەر و پەنابەرانی سوریایە، بەپێی ئاماری نەتەوەی یەکگرتووەکان ٦٢ هەزار کەس تێیایدا دەژین. ٨٠٪ ئەو کەسانەی کە لە کەمپەکەدا دەژین، ئەو ژن و منداڵانەن کە لە ساڵی ٢٠١٩دا لە هەرێمەکانی ژێر دەستی داعش هەڵهاتبوون.

ڤۆرنکۆڤ ئەوەشی ئاشکرا کرد، لە ناو کەمپەکەدا منداڵی ٦٠ وڵاتی جیهان هەن و بەرپرسیاری ئەو منداڵانە لەسەر شانی ئەو وڵاتانەیە نەک بەڕێوەبەرایەتی باکور و ڕۆژهەڵاتی سوریا.

ف.ق