نویسەر و مامۆستا و شاعیر و ڕۆشنویر وەلی فەتاحی کۆچی دماییش کەرد
جە شۆشمێ هەورامانی نویسەر و مامۆستا و شاعیر و ڕۆشنویر و ڕەخنەگێر وەلی فەتاحی کۆچی دماییش کەرد.
جە شۆشمێ هەورامانی نویسەر و مامۆستا و شاعیر و ڕۆشنویر و ڕەخنەگێر وەلی فەتاحی کۆچی دماییش کەرد.
ئارۆ ٣ شەممە، جە شۆشمێ هەورامانی نویسەر و مامۆستا و شاعیر و ڕۆشنویر و ڕەخنەگێر وەلی فەتاحی کۆچی دماییش کەرد.
ئارۆ ٣ شەممە، جە دەگاو شۆشمێ سەر بە شارو نەوسوڎێ، نویسەر، مامۆستا، ڕۆشنویر، ڕەخنەگێر، شاعیر و کەسایەتی نامی هەورامانی (وەلی فەتاحی) کۆچی دماییش کەرد.
وهلی فهتاحی یۆ جه نویسهره دڵسۆزهکانوو هورامانی بێ کە جە وتارێ و نویستەکانشەنە فرە جارێ شێوازێوی ڕەخنەگێرانەی گاڵتەئامێزش گێرتەبێنەوەر.
کۆچکەردە هاموەخت یۆ جە بنیاتنەر و ئەرەمەرزنەرانو ئەجومەنوو فەرهەنگی ئەدەبی میراز ئەحمەد داودوشی جە ڕەوانسەر و ئەندامو ئهنجومهن ئهدهبی شنهو فهرههنگوو ههورامانوو پاوه-ی بێ و هەمیشە خەموەرو زوان و نویستە و ئەدەبیاتوو هەورامی و هەورامانی بێ و جە ئا چوارچوەنە ژمارێوی فرێ وتارێ و نویسیارێش هەنێ کە بەشێوشان جە پەلیانەو ئاژانسەکەیمان فوڕات (ANF)یەنە وەڵاوێ کریێنێوە.
هەرپاسە مامۆستا وەلی فەتاحی ٣ بەرهەمێ چاپ کریێش هەنێ بە ئی چۆرە:
هۆرگێنای شیعرە دووەبیەتیەکێ بابا تاهیری هەمەدانی پەی هەورامی کە ۳۵۰ دوە بەیتیێنێ و کتێبێوی ۱۵۹ لاپەڕەی پێکماوەرانێ.
کتێبوو «چریکهی اهورایی» کە شعرێ و تێکستێ هەورامی وێشەنێ و ساێ ویەردێ چاپکریا.
«فهته»ی کە یەکەمین کتێبی داستانێ گاڵتەئامێزێ هەورامین و تەنە ۴٨ داستانێ جە وێش مەگێرۆنە.
هاموەخت ٢ کتێبێ تەرێش ئامادێ چاپی و وەڵاوکەردەی بێنێ کە بەداخەوە جە ژیوای وێشنە چاپێ و وەڵاوێ نەکریێوە و مەرگی ناگەهانی ڕاش پنە نەڎا تا وینەرو چاپ و وەڵاوبییەیشان ببۆنە.
کۆچی دمایی وەلی فەتاحی زیانی گەورەن بە زوان و فەرهەنگوو هەورامی و هەورامانی و قەرەبووکەردەی ئا زیانەیە بەزوویی فرە زەحمەتەن.
چەنڎ نمونێ جە وتارێ و نویسیارێ کۆچکردە وەلی فەتاحی: