تەرمی زاهید ئەلحسێن شەڕڤانی قەسەدە کە بە جەڵتەی دڵ شەهید بوو، لە گۆڕستانی شەهیدانی شەدادی حەسەکە بەخاکسپێردرا. بە سەدان دانیشتوانی ناوچەی شەداد و گوندەکانی دێرەزۆر بەشداریان لە رێورەسمەکەدا کرد.

گەل، تەرمی شەهیدیان لە نەخۆشخانەی شەهید ساریا لە حەسەکە وەرگرت و بەرەو گۆڕستانی شەهیدانی شەداد بردیان. لە گۆڕستانەکە، دوای خولەکێک رێزگرتن، خەیس ئەلخەلەف ئەندامی بەڕیوەبەری ئەنجومەنی شەهیدانی شاروچکەی سۆری دێرەزۆر قسەی کرد و ئاماژەی بە فیداکاری شەهیدان کرد و رایگەیاند، شەهید بە خوێنی خۆیان داستانی فیداکاری و قاڕەمانیان نووسیوەتەوە.

خدر ئەلکەدرۆ فەرماندار لە ئەنجومەنی سەربازی دێرەزۆر قسەی کرد و وتی، " شەهید زاهیدیش وەک هەموو هاوڕێکانی بۆ ئاسایشی و ئارامی گیانی خۆی بەخت کرد. ئێمە سەرمان لەبەرامبەر یادەوەریەکانی دادەنەوێنین و بەڵێن دەدەین بەردەوامی بە رێچکەی بدەین."

ئەل کەدرۆ رایگەیاند، لەپێناو سەرخستنی پرۆژەی دیموکراتی گەلانی هەرێمەکە بە هەزاران شەهیدماندا و دەوڵەتی داگیرکەری تورک و زۆر لایەن هەوڵی لەناوبردنی پرۆژەکە دەکەن.

دواتر تەرمی شەهید بە دروشمی 'شەهید نامرن' لە گۆڕستانی شەهیدانی شەدادی حەسەکە بەخاکسپێردرا.

ف.ق