یه‌په‌گه ناسنامه‌ی شه‌هیدێكی خۆی راگه‌یاند
یه‌په‌گه رایگه‌یاند، كه شه‌ڕڤانێكیان به ناوی فه‌داكار حه‌له‌ب له به‌رخودان سه‌رده‌مدا شه‌هید بووه.
ناوه‌ندی راگه‌یاندنی یه‌كینه‌كانی پاراستنی گه‌ل (یه‌په‌گه) له‌سه‌ر ماڵپه‌ڕی فه‌رمی خۆی راگه‌یه‌نراوێكی بڵاوكردووه‌ته‌وه و تیایدا رایگه‌یاندوه:
"هاوڕێمان فه‌داكار حه‌له‌ب له چوارچێوه‌ی قۆناغی یه‌كه‌می به‌رخودانی عه‌فریندا له گوندی بیێی ناوچه‌ی شێراوای عه‌فرین له ٩ی ئابی ٢٠١٨دا له ئه‌نجامی شه‌ڕی نێوان یه‌كینه‌كانمان و دوژمندا شه‌هیدببوو. ئێمه ناسنامه‌ی ئه‌و هاوڕێیه‌مان بۆ گه‌له‌كه‌مان بڵاوده‌كه‌ینه‌وه:
ناسناو: فه‌داكار حه‌ڵه‌ب
ناو و پاشناو: سه‌عید به‌شیر
ناوی دایك: سدیقه
ناوی باوك: عه‌لی
شوێنی له‌دایكبوون: عه‌فرین
شوێن و كاتی شه‌هیدبوون: عه‌فرین ٩ی ئابی ٢٠١٨
ئێمه له كه‌سایه‌تی هاوڕێ فه‌داكاردا شه‌هیدانی به‌رخودانی عه‌فرین و هه‌موو شه‌هیدانی قاره‌مانمان كه بوونه نوێنه‌ری گه‌لی ئێمه و شۆڕشه‌كه‌مان به رێز و پێزانینه‌وه به بیرده‌هێنینه‌وه. ئێمه سه‌ره‌خۆشی له بنه‌ماڵه‌ی شه‌هیده‌كه‌مان و گه‌له‌كه‌مان ده‌كه‌ین و به‌ڵێن دوباره ده‌كه‌ینه‌وه كه ئه‌و ئه‌ركه‌ی شه‌هیدان خستوویانه‌ته ئه‌ستۆی ئێمه به دڵنیاییه‌وه جێبه‌جێی ده‌كه‌ین".
هـ . ب
