٢٣ ساڵە بەسەر پیلانگێڕی بەرانبەر عەبدوڵلا ئۆجالان ڕێبەری گەلی کورد تێدەپەڕێت. تا ئێستا دەوڵەتی داگیرکەری تورک گۆشەگیریەکی زۆر قوڕش لەسەر ڕێبەری گەلی کورد بەڕێوە دەبات.

لەمبارەیەوە، یەکێتی کرێکارانی باکور و ڕۆژهەڵاتی سوریا راگەیەنراوێکی بۆ ڕای گشتی خوێندەوە و داوای ئازادکردنی عەبدوڵلا ئۆجالان ڕێبەری گەلی کورد کرد.

شێرۆ محەمەد هاوسەرۆکی یەکێتی کرێکاران راگەیەنراوەکەی لەبەرانبەر ناوەندی یەکێتیەکە لە قامشلۆ خوێندەوە و وتی، ئەوان گۆشەگیری و پیلانگێڕی دژی عەبدوڵلا ئۆجالان ڕێبەری گەلی کورد شەرمەزار دەکەن.

لە راگەیەنراوەکەدا ئاماژە بەوەکراوە کە دەوڵەتی تورک سەدان ساڵە لەدژی گەلانی ئەرمەن و کورد کۆمەڵکوژی ئەنجام دەدات.

لە بەردەوامی راگەیەنراوەکەدا ئاماژە بەوە کرا:

"ئێمە وەک یەکێتی کرێکارانی باکور و رۆژهەڵاتی سوریا پیلانگێڕی نێودەوڵەتی لەدژی عەبدوڵلا ئۆجالان ڕێبەری گەلی کورد شەرمەزار دەکەین و بەڵێن دەدەین کە بەردەوامی بە ڕێگاکەی بدەین و فەلسەفە و پرۆژەی نەتەوەی دیموکراتی سەرۆک ئاپۆ بپارێزین. هەروەها ئێمە دەستبەسەرداگرتنی ئازادی عەبدوڵلا ئۆجالان وەک دەستبەسەرداگرتنی ئازادی و ئیرادەی هەموو کرێکارانی جیهان دەبینین. بانگەوازیمان بۆ هەموو رێکخستن و رێکخراوەکانی مافەکانی مرۆڤ و هەموو ئازادیخوازان ئەوەیە کە فشار لەسەر دەوڵەتی تورک دروست بکەن و یەکسەر ڕێبەر ئاپۆ ئازاد بکرێت."

ف.ق