ناوەندی راگەیاندنی هێزەکانی سوریای دیمورکاتی (قەسەدە) لەسەر ماڵپەڕی فەرمی خۆی راگەیەندراوێکی بڵاوکردەوە و ئەنجامی رۆژی دووەمی ئۆپراسیۆنەکەی ئاشکرا کرد.

راگەیەندراوەکە بەم شێوەیەیە:

" دووەم رۆژی ئۆپەراسیۆنەکەمان بە بەشداری هێزەکانی ئاسایشێ ناوخۆی باکور و رۆژهەڵاتی سوریا و هێزەکانی هاوپەیمانی نێودەوڵەتی ، بەناوی ئۆپراسیۆنی 'هەورە بروسکەی جزیر' لەدژی شانە شاراوەکانی رێکخستنی تیرۆریستی داعش لە هەرێمەکانی هۆڵ و تەل حەمیس بەردەوامە.

لە رۆژی دووەمی ئۆپراسیۆنە هاوبەشەکەماندا ٥٢ چەتەی داعش و ئەو کەسانەی هێرشی تیرۆریستی ئەنجام دەدەن  کە لە گوندەکان خۆیان دەشارنەوە دەستگیرکراون.

هێزە هاوبەشەکانمان لە ٩ لاوە ئۆپراسیۆنیان دەست پێکرد و رووبەری گەڕان و هێرشکردنە سەر ئەندامانی شانە شاراوەکانی تیرۆریستانیان فراوان کرد کە هێرش دەکەنە سەر هاوڵاتیان. ئۆپراسیۆنەکەمان هەموو هەوڵێکی تیرۆریستانیان شکست پێهێناوە و ناچار بوون خۆیان رادەست بکەن.

لە سەرەتای لێپرسینەوەکاندا، چەتەکان دانیان بەوەدا ناوە کە بەشداریان لە زۆر کردەوەی تیرۆریستیدا کردووە، پارە و چەکیان لە شانە شاراوەکانی تیرۆریستان بە دەست هێناوە. زۆر کەس لەوان خۆیان ئامادە کردووە کە لە سەری ساڵدا کردەوە تیرۆریستی ئەنجام بدەن.

بەهۆی قەڕەباڵغی دانیشتوانی هەرێمەکە و بەکارهێنانی دۆخی مرۆیی لەلایەن تیرۆریستانەوە، هێزەکانمان لە کاتی ئۆپراسیۆنەکەدا، ئەندامی زیاتریان بەشداری پێکرد. هەروەها تێکۆشانمان بۆ لەناوبردنی شانە شاراوەکانی تیرۆریستان بەردەوامە بۆ ئەوەی ئاسایشی هەرێمەکە مسۆگەر بکەین."

ف.ق