بەپێى زانیارییەکان، شەڕی چەتەکان لەگەڵ یەکتر لە خاڵی سەربازیى گوندی دێربەلوت لە ناوچەى جندرێس روویدا. ئەو خاڵە سەربازییە لە دواى داگیرکردنى عەفرین لەلایەن تورکیا و چەتەکانەوە دروستکراوە.

خاڵە سەربازییەکە لە دەستى چەتەکانى بەرەى نوسرەدایە، بەڵام راگەیاندرابوو بۆ ماوەیەک خاڵەکە رادەستى چەتەکانى فەیلەقی شام کراوە.

لەسەر دووبارە رادەستکردنەوەى خاڵە سەربازییەکە شەڕ لە نێوان چەتەکانى بەرەی نوسرە و فەیلەقی شام دا روویداوە.

شەڕەکە تا ئێستا لەو ناوچەیەدا بەردەوامە و ژمارەیەکى زۆر چەتە و سەربازی تورکیاش روویان لە ناوچەکە کردووە.

سەرنجڕاکێشە ئەو هێرشە لە دواى رێککەوتنى رەجەب تەیب ئەردۆغان سەرۆک کۆمارى تورکیا لەگەڵ ڤلادمیر پوتین سەرۆکى رووسیا لە شاری مۆسکۆی پایتەختى رووسیا، روویدا.

ر.م