بۆمبێكی لكێنراو له قامیشلۆ پووچه‌ڵ كرایه‌وه
هێزه‌كانی ئاسایشی ناوخۆ له قامیشلۆ بۆمبێكیان پووچه‌ڵ كرده‌وه كه به ئۆتۆمبێلێكه‌وه لكێنرابوو.
پاش ئه‌وه‌ی هاوڵاتییه‌كی شاری قامیشلۆ ئۆتۆمبێلێكی جۆری مینیبووسی بۆ خۆی كڕی و هه‌ستی به دۆخێكی نائاسایی كرد، لایه‌نه په‌یوه‌ندیداره‌كانی ئاگادار كرده‌وه. دواتر تیمه‌كانی ئاسایشی ناوخۆ ده‌ستیان به گه‌ڕان و پشكنین كرد، سه‌ره‌نجام بۆمبێكیان دۆزیه‌وه كه به ئۆتۆمبێله‌كه‌وه لكێنرابوو.
تیمه‌پسپۆڕه‌كان بۆمبه‌كه‌یان پووچه‌ڵ كرده‌وه، داوایاشیان له هاوڵاتییان كرد به‌رله‌وه‌ی ئۆتۆمبێلێك بكڕن به‌باشی لێكۆڵینه‌وه بكه‌ن.
s.m
