بە سەدان هاوڵاتی شارۆچکەی شەداد جەنازەی شەهید موهەنەد شعێبی شەڕڤانی هێزەکانی ئاسایشی ناوخۆ کە لە ناوچەی ئەلسوور-ی سەر بە دێرزۆر شەهید بوو، لە ناوەندی ئەنجومەنی کەسوکاری شەهیدانەوە وەریانگرت و گواستیانەوە بۆ گۆڕستانی شەداد.

لە گۆڕستانەکە مەراسیمێکی شایستە بۆ شەهید شهێبی رێکخرا و موخلیس عبدوالتیف بە ناوی هێزەکانی ئاسایشی ناوخۆوە قسەی کرد و سەرەخۆشی ئاڕاستەی کەسوکاری شەهید کرد و وتی:"بە پێشەنگیی قەسەدە خۆڕاگرییەکی مێژووی لە دژی هێرشە داگیرکەرییەکانی دەوڵەتی تورک بەڕێوە دەچێت. شەڕڤانانی قەسەدە لە سەر رێگای شەهیدان، بەردەوام دەبن لە خۆڕاگرییدا."

دواتر زەهرا ئەل-ئەحمەدی بەڕێوەبەری ئەنجومەنی شەهیدانی شەداد قسەی کرد و خۆڕاگریی شکۆی بەرز نرخاند.

دوای قسەکان ناسنامەی شەهید خوێنرایەوەو رادەستی کەسوکاری کراو بە دروشم و سلۆگان تەرمی شەهید بەخاک سپێردرا.

ز.ش