ئاژانسی سانای سوریا رایگەیاند، دوو فڕۆکە جەنگییەکەی سوپای سوریا لە لایەن دەوڵەتی تورکیا و چەتەکانیەوە خراونەتە خوارەوە و ئاماژەی بەوەش کرد، فڕۆکەوانەکان بە پەڕەشووت خۆیان هەڵداوەتە خوارەوە و باری تەندروستیان باشە.

وەزارەتی بەرگری تورکیاش لەم بارەیەوە رایگەیاند، دوو فڕۆکەی جۆری SU-24-ی رژێمی سوریا لە ئیدلب خراونەتە خوارەوە.

لە لایەکی دیکەوە، هەر ئەمڕۆ فڕۆکەیەکی بێ فڕۆکەوانی تورکیا لە شاری سەراقیب خرابووە خوارەوە، بەڵام چەتەکانی دەوڵەتی تورکیا و ئاژانسە فەرمییەکانی دەوڵەتی تورکیا هەواڵەکەیان بە ناڕاست بڵاو کردبووە و رایانگەیاند، فڕۆکەیەکی بێفڕۆکەوانی سوری یان روسی خراوەتە خوارەوە.

دواتر وەزارەتی بەرگری روسیا هەواڵەکەی رەت کردەوە و ئاژانسی هەواڵی AA-ی تورکی هەواڵەکەی لە پێگەی فەرمی خۆی سڕییەوە.

بەو لێدوانەی وەزارەتی بەرگری تورکیا ئاشکرا بوو کە ئەو فڕۆکەیەی خراوەتە خوارەوە فڕۆکەی سوپای تورکیا بووە.

ز.ش