کۆنفرانسەکە لە ناوەندی محەمەد شێخۆ لە شاری قامیشلۆ بە ئامادەبوونی ٣٠٠ ڕەنجدەری شارەکانی قامیشلۆ، عامودێ، گرکێ لەگێ، تربەسپی، چل ئاخا، تەل کۆچەر، سێمالاکا، حەسەکە، تەل تەمر، درباسییە، سەرێکانی، زەرگان و کۆبانێ بە میوانداریی بزووتنەوەی کۆمەڵگەی دیموکراتیک (تەڤدەم)ی شارەکانی کۆبانێ و قامیشلۆ بە خولەکێک ڕیزگرتن دەستیپێکرد.

دواتر غەریب حەسۆ بەناوی بزووتنەوەی کۆمەڵگەی دیموکراتیک (تەڤدەم)ەوە قسەی کرد و وتی: "کاتێک مرۆڤ باسی بنکەی کۆمەڵگەی دیموکراتیک بکات، پێویستە سەرەتا باسی ڕەنجی ئەم ڕەنجدەرانەی خۆمان بکات، کە بە ڕەنجی ئەوان ئێمە بەو ئاستە گەیشتووین، لەبەر ئەوەش تێکۆشانێکمان بەو ڕەنجەوە بەڕێوەبرد و لەم ڕەنجە بەردەوام دەبین، چونکە تێکۆشان بە ڕەنج هەمیشە سەرکەوتووە".

دواتر حسێن ئەعزەم، بەناوی ئەنجوومەنی یاسادانەری هەرێمی جزیر، لەبارەی هەڕەشەکانی دەوڵەتی تورکەوە وتی: "چەند ڕۆژێکە دیسان دەوڵەتی تورک هەڕەشە دەکات، بەڵام با باش بزان، پێکهاتەکانی ناوچەکە بە کورد، عەرەب و سریان-ەوە، ڕێگە نادەن خەونە داگیرکەرییەکان بێتەدی".

کۆنفرانسەکە بە گفتوگۆ بەردەوامە

ژ.ت