سوپا داگیرکەرەکەی تورک لە عەین عیسا ٣ کەسی مەدەنییان بریندار کرد

لە ئەنجامی تۆپبارانی سوپا داگیرکەرەکەی دەوڵەتی تورکی فاشیست و چەتەکانیدا بۆ سەر هەر دوو گوندی شەرگرات و مشرەفای سەر بە عەین عیسا ٣ هاوڵاتی مەدەنی بریندار بوون.

بە پێی ئەو زانیاریانەی گەیشتوونەتە بەر دەستمان، لە کاتژمێر ١٩:٣٠ی ئەم ئێوارەیە دەولەتی تورک و چەتە چەپەڵەکانی گوندەکانی مشرەفا و شەرگراتی سەر بە ناوچەی عەین عیسایان کردووتە ئامانج و بە چەکی قورس تۆپبارانیان کردووە. هاوکات کۆگاکانی گەنمیشیان لە ناوچەکە کردە ئامانجی هێرشەکانیان.

بە پێی ئەو زانیاریانەی تا ئێستا گەیشتوونەتە بەر دەستمان، ٣ کەس بریندار بوون و لە ئێستا دا هەر سێ هاوڵاتییە مەدەنییەکە رەوانە نەخۆشخانە کراون.

ز.ش