شارەۋانی قەندیل-ی پردەو سورەگڵە-یش دروست کەردە

شارەۋانی قەندیل-ی پردەو سورەگڵە-یش دروست کەردە کە چەنڎین دەگایێ و ناوچێ چەنەش سودمەندێ مەبانێ.

شارەۋانی قەندیل-ی سەرەڕاو نەبیەی دەرفەتی دارایی و بودجە جە حکومەتو هەرێمو کوردستانیەۋە، بەڵام بەردەۋامەن جە خزمەتگوزاریەکانش. جەی چوارچێۋەنە شارەۋانیەکە بە کەمتەر جە یەک مانگ پردەو سورەگڵە-یش دروست کەردە. پردەکێ دەگایەکێ (ڕەزگەی خوارو ،ڕەزگەی سەرەوە، شناوە، سپی گڵە و ئەڕکەی سەرەوە) مەبەسونەۋە بە دەگایەکانو (بەستە، مارەدوو  و سورەگڵە)یەۋە و بە گردی ئەرەنیشتێ ناوچەکێ مەنگوڕایەتی و قەڵاتوکانی جە دروستکەردەکەیش سودمەندێ مەبانێ.

جەی بارەۋە ڕاۋەبەرێ شارەۋانی قەندیلی بە ئاژانسەکەیمان (فوڕات نیوز)یشان ۋات: "ۋەر جە دروستکەردەو پردەکێ ساڵانە بە  تایبەتی جە ۋەهارەنە ڕاو هاموشیێ دەگانشینەکان بڕیێنە و ئاستەنگی فرە پەیشان دروست مەبێنە. جە ئیسەنە بە دروستکەردەو پردەو سورەگڵە-ی هەرچەنڎە کەموکورتیێش هەنێ، بەڵام بەشێۋی فرێ جە  ئاستنگیەکان کۆتاییشان مەیۆنە و ئاسانکاری فرە پەی هامۆشیێ فەراهەم مەکەرۆنە.