شه‌ڕڤانێكی یه‌په‌گه‌ له‌ چه‌می فوراتدا شه‌هید بوو

شه‌ڕڤانی یه‌په‌گه‌ مه‌روان كۆبانێ (محه‌مه‌د ئه‌بوود) له‌ هه‌رێمی ڕه‌قا له‌ كاتێكدا مه‌له‌وانی له‌ چه‌می فوراتدا ده‌كرد، ژیانی له‌ده‌ستدا.

ناوه‌ندی ڕاگه‌یاندنی یه‌كینه‌كانی پاراستنی گه‌ل - یه‌په‌گه‌ ڕاگه‌یه‌ندراوێكی بڵاوكرده‌وه‌ و ڕایگه‌یاند: «هه‌ڤاڵمان مه‌روان كۆبانێ كه‌ ٢٨ی ته‌مووز له‌ عه‌ین عیسا به‌مه‌به‌ستی پشوودان چوو بۆ ڕه‌قا، ڕۆژی ٢٩ی ته‌مووز له‌ كاتێكدا له‌ چه‌می فورات مه‌له‌وانی ده‌كرد، خنكا و گیانی له‌ده‌ستدا.»

له‌ ڕاگه‌یه‌ندراوه‌كه‌ی یه‌په‌گه‌دا هاتووه‌: «له‌ كه‌سایه‌تیی هاوڕێمان مه‌رواندا، به‌ ڕێزداری یادی هه‌موو شه‌هیده‌ قاره‌مانه‌كان ده‌كه‌ینه‌وه‌ و جارێكی دیكه‌ به‌ڵێن ده‌ده‌ین كه‌ دڵسۆزی یادكردنه‌وه‌ی شه‌هیدان بین و تێكۆشان سه‌ربخه‌ین.»

s.m