شەڕڤانانی هێزەکانى سوریاى دیموکراتیک (قەسەدە) لە قۆناغی کۆتایى هەڵمەتى گەردەولولی جزیدا بەردەوامن لە پێشڕەوییەکانیان لە هەجین، کە دوا شوێنى ژێر دەستى چەتەکانى داعشە.

سەرچاوە سەربازییەکانى ناوچەکە رایانگەیاند، لە شەقام و کۆڵانەکانى هەجین دا شەڕێکی قورس لە نێوان شەڕڤانان و چەتەکانى داعشدا بەردەوامیى هەیە.

ئاماژەی بەوەشکرد، چەتەکانى داعش لە هەجین و دەورووبەریدا بۆ ئەوەى بتوانن ناوچە لەدەستچووەکانیان دووبارە کۆنترۆڵ بکەنەوە، شەوی رابردوو بە ئۆتۆمبێلی بۆمبڕێژکراو هێرشیان کردە سەر خاڵ و سەنگەری شەڕڤانان، بەڵام هێرشەکەیان لەلایەن شەڕڤانانەوە تێکشکێنرا.

شەڕ لە هەجین و دەورووبەری بە قورسی بەردەوامیى هەیە.

ر.م