شانە نووستووەکانی داعش لە ڕۆژی ٢٣ی کانونی یەکەم، هێرشێکیان کردە سەر بینای بەڕێوەبەرایەتی بازرگانی سەر بە کۆمیتەی ئابوری تەبقا و لە هێرشەکەدا پاسەوانانی بیناکە عوسمان حەبەش و خالید ئەلئەحمەد شەهید بوون.

 تەرمی شەهیدان لە مەراسیمێکدا بەخاک سپێردرا.

خەڵک تەرمی شەهیدانیان لە نەخۆشخانەی وەتەنی وەرگرتەوە و بە کاروانێکی ئۆتۆمبیل بەرەو گۆرستانی تەبقا بەڕێکەوتن. لە گۆڕستانەکە بە مەراسیمێکی سەربازی پێشوازیان لێ کرا. دواتر بەڕێوەبەرایەتی ئەنجومەنی بنەماڵەی شەهیدانی تەبقا ئەمینە عەبدولرەزاق، هاوسەرۆکی کۆمیتەی ئابوری ئەحمەد سلێمان و هاوسەرۆکی ئەنجومەنی سڤیل-ی تەبقا عەلوش ئەلعەبد وتەیان پێشکەش کرد.

لە وتەکانیاندا باس لەوە کرا کە هێرشەکانی ناوچەکە بەرخۆدانی گەل بەهێزتر دەکات و هێڵی بەرخۆدانی شەهیدان بەردەوام دەبێت. دواتر ناسنامەی شەهیدان خوێندرایەوە و ڕادەستی بنەماڵەکان کرا.

جەماوەری گەل تەرمی شەهیدانیان بە وتنەوەی دروشم لە گۆڕستان بەخاک سپارد.

ز.ش